的士竟裝電飯煲引發網民好奇　揭盅「裏面煮咗飯仲好似有臘味」

【點新聞報道】不少人為了慳錢會選擇帶飯返工，一名女網民日前在社交平台分享一則生活趣事，指自己搭的士時，竟發現車廂內裝有一個電飯煲，「司機仲講好好用㗎，仲打開比我睇 之後⋯」。帖文引發不少網民好奇，想一窺電飯煲裏有什麼東東。

該名女網民在社交平台threads發文及上載影片，寫道：「第一次係的士裏面發現電飯煲，司機仲講好好用㗎，仲打開比我睇 之後⋯」，從影片可見的士司機座位與前座座位之間，放有一個電飯煲，電飯煲用一個膠籃盛載着。不少網民都好奇電飯煲裝着什麼，「好奇佢點煮餸？」，樓主回覆表示：「打開勁香既飯味」、「佢裏面煮咗飯仲好似有臘味。」 有網民追問：「司機的午餐？」， 樓主回應：「我諗應該係。」

另有不少網民搞笑留言：「有冇請妳食個飯先」、「一碗堂食，唔該」、「給你家的感覺！」、「坐的士送飯？」、「臘味飯現場$25/碗又多一筆收入」。

有網民則表明不喜歡車廂內有異味：「唔理佢飯香定乜味，公用車廂內有味道唔係咁好喎，起碼我唔受先！」不過，有網民望互相體諒：「唉，都係搵餐飯仔食啫，餐餐出面食又貴又唔知食咩，唯有煲啖飯整條臘腸囉，臘腸撈飯都好食㗎。」