出黑膠fans特購唱片機　Gin Lee超感動

【點新聞報道】Gin Lee李幸倪日前到位於銅鑼灣羅素街的英皇娛樂期間限定概念店「0 e:ffect Concept Store」，為推出限量七吋黑膠唱片舉行見面會。

Gin日前已到概念店將全部限量黑膠唱片簽名，見面會當日，首一百位訂購唱片的幸運粉絲一早到場排隊，等待Gin親手送上簽名黑膠唱片。Gin好奇問到：「我問佢哋屋企有黑膠唱片機咩？佢哋有啲話冇，有啲就話因為呢隻黑膠，所以會專登去買番部黑膠唱片機，好感動呀，好多謝佢哋嘅支持。」

Gin除了送上黑膠唱片，亦逐一跟歌迷合照，當時亦有不少顧客於concept store內，當見到Gin除了十分開心，更大叫：「真係見到明星呀！」十分搞笑。送完100張黑膠後，fans們聚集於店外不肯離去。隨後Gin便走到透明櫥窗的Busking位置跟大家say hello及多謝大家出席支持，最後便跟全場來個大合照。

事後Gin表示：「頭先企喺Busking位，其實係同啲fans好近距離，只係一塊玻璃之隔，近到有啲fans伸手出嚟同我隔住玻璃掂住隻手，好搞笑。同埋其實我企喺裏面係完全聽唔到出面嘅聲，佢哋口擘擘咁樣，好得意，有試過想讀唇語㗎，但搞唔掂，哈哈。」她又謂現在充滿電回到工作崗位，「跟住落嚟就要繼續做新歌，今年剩返幾個月，要繼續衝埋佢。」

（點新聞特約記者陳惠芳報道）