職員佔用商場育嬰室洗海參　港媽勸阻反被鬧「懶正義」　兩海味店發文道歉

本港不少商場設有育嬰室，惟不時被人濫用。有港媽日前在社交平台發文，指馬鞍山一個商場的育嬰室竟被商場的連鎖海味店職員佔用，在洗手盆洗海參和清潔用具。港馬出言阻止時，反被女職員嘲諷「懶正義」、「個個都係咁㗎啦」。事件引起不少網民關注，斥責職員行為離譜，要求商場正視處理。而涉事的兩間海味店事後亦在社交平台發文道歉。

該名港媽日前在fb群組「馬鞍山之友2.0」發文，指當天早上約11時到馬鞍山一個商場育嬰室，打算為女兒更換尿片時，發現育嬰室大門打開，見到有兩名身穿不同制服的商場店舖女職員，分別在洗手盆清洗清潔用品和海參。港媽難以置信，重申「冇錯，係喺育嬰間洗海參！」她指兩位「霸哂育嬰間內嘅兩個洗盤」連她想洗手都沒有空位。

港媽於是禮貌向對方表示做法不妥，「姐姐呀，呢度係育嬰間，你哋唔可以喺度洗呢啲嘢㗎喎」。怎料，其中一名女職員隨即大聲夾惡，稱「懶正義！個個都係咁㗎啦」，而另一人則扮「扮聽唔到」無視港媽。

港媽氣極下，立即為女兒換好尿片，並交託予育嬰室外的親友照顧後，便折返與兩位職員理論，稱「呢度係育嬰間，bb用嘅地方，你哋一個洗清潔用品，我唔知你會有咩清潔劑，如果有bb整到，你哋邊個負責？第二，你哋賣嘅係食品，你放喺小朋友屎屎尿尿嘅地方洗，都好唔衞生啦吓話！」，其中一名女職員即刻講粗口狂鬧港媽。港媽遂向旁邊洗手間的女清潔工投訴，怎料對方囂張表示：「個個都係咁㗎啦，你有咩同公司講囉」。正當港媽轉身準備離開去商場投訴之際，另一名女職員突然開口恐嚇：「你返嚟啦！夠膽你入返嚟囉！」

港媽之後前往商場顧客服務台投訴，並提供相關照片證據，至當天下午獲回覆指已經向涉事的兩間商戶發出警告信，同時會安排女保安員在育嬰室外把守。港媽在帖文中坦言，作為一名母親，盡量避免在小朋友面前與他人發生爭執，亦不會因為帶着小朋友，就希望別人遷就或禮讓，「但見到啲人明明自己做緊唔啱嘅事，仲要聲大夾惡咁，真係好嬲，希望大家以後見到呢類事件都一定要出聲」，她又指會繼續將此事電郵至兩間海味公司及商場管理公司。

帖文引來不少網民熱議，有人狠批兩名涉事女職員的做法，「洗嘢食已經唔啱，仲要洗海參有陣腥臭味，嗰度係母嬰用嘅地方，太過分啦！」、「香港有育嬰室嘅地方都已經唔多，仲要比人咁搞法」、「你做得好啱，霸佔育嬰室已經好唔啱，同埋喺呢度洗海參真係好唔衞生。」、「報食環署，咁唔衞生！」

其中一間涉事的海味店「南北行」事後在其Facebook發布道歉啟事，承認相關員工做法不當，已作出嚴厲斥責及處分，並即時嚴肅跟進及檢討，亦會加以監察，往後會禁止同類事件發生。另一間海味店「老上環」亦在事主的帖文底下留言道歉，承認有疏忽，事件會交由人事部門處理和跟進，並確保這種情況不再發生。發言人又解釋，店舖銷售的海參有提供浸發服務，經過嚴格處理且全程有專人把關，強調絕對不會在分店或任何公共場所處理。