$85肉絲炒麵似廉價嗱喳炒麵　食客狠批「酒店價格 公廁味道」

食炒麵都中伏！有食客在討論區大呻，日前光顧西環某馳名煲仔飯的餐廳，點了一碟要價85元的肉絲炒麵，但上枱時卻是碟「豉油皇肉絲炒麵」，食落口還要「又淋又油又碎」。他並發現餐廳早餐時段有供應豉油皇炒麵，估計「我呢碟分分鐘係朝早賣剩，加幾條肉絲翻炒幾下」，另加飲品後埋單合共103元，批評是「酒店價格，公廁味道」，不少網民都認為餐廳做法離譜。

該名食客在香港討論區以「[骯港] What the......我又踩雷了。香港飲食真係好危險」為題發帖，表示日前光顧西環某馳名煲仔飯的餐廳，點了一碟要價85元的肉絲炒麵，他強調是正價不是特價下午茶餐，「一般茶餐廳的肉絲炒麵都只係$50至$60，呢個$85，貴過人2X%」。

樓主指，一般對肉絲少麵的認知，是「煎兩面黃麵餅，再埋個肉絲芡上去」，但上枱時見卻嚇了一跳，「呢篤嘢送上嚟，我真係嚇到跌咗落地下，呢篤嘢只係豉油皇肉絲炒麵，而唔係肉絲炒麵」，形容「個樣...咁X似粥檔啲嗱喳炒麵嘅?」。樓主一食落口，就發現是「車仔麵嗰種鹼水麵」，口感「又淋過舊屎」、「又油又碎」，質疑咁就要價85元。

正當頭上千萬個問號時，樓主翻看早餐餐牌，立即恍然大悟，原來餐廳早市有供應「廉價嗱喳炒麵」，估計「我呢碟分分鐘係朝早賣剩，加幾條肉絲翻炒幾下，咁就收貴一倍，仲要無x咗杯飲品」，加上另計的凍檸茶後，埋單合共103元，批評是「酒店價格，公廁味道」、「exactXly香港情懷」、「下次我撼親頭蕩失路一定翻啅」、「香港真係滿佈地雷」。

帖文引起網民熱議，不少人批評餐「太離譜」，「咁真係踩雷喎，豉油王肉絲炒麵」、「貴到好誇張，又唔好食，雙重損失」、「睇見呢個價都堅離地」、「正常要退貨！」、「呢啲人做生意心態同搶冇分別」。