同事吸煙被公司炒魷魚　網民：做到嘢1日食10包煙都唔會理

同事工作期間落樓下吸煙竟然慘遭炒魷魚？近日有打工仔在網上發帖，表示「公司炒咗個食煙同事」，原來該同事工作期間，每小時都會用15分鐘到公司樓下吸煙，變相一周就有近10小時「扮工」白支人工，公司屢次勸導無果，最終將其解僱。

近日有網民在facebook群組發帖，表示公司辭退了1位同事，「理由係佢每小時落樓下15分鐘食支煙」。他指該同事1天工作8小時，當中就有2小時在公司樓下吸煙，算起來1星期就總共10小時不在工作崗位，「變相每星期返少一日工」。基於屢勸不改終被公司辭退。

帖文引起網民熱議，有網民留言時表示「吸煙真係唔係問題，問題係次數同時間」、「都要睇係咩工」。樓主回應指，「做到嘢嘅人，話之佢1日食10包煙都唔會理」，但問題是有同事將吸煙休息時段當成「人權、員工福利」，「如果佢工作能力一般，咁要炒人都知會炒邊個先啦」。

亦有網民笑言，「一支煙點樣食15分鐘？可唔可以教我等我享受多幾倍？」、「以前返工都係為咗有得蛇王先學食煙」。另外，有網民就認為如果員工不影響工作表現，相信大部分公司都會「隻眼開隻眼閉」容許員工去吸煙，但樓主的同事真的花了太長時間，而且不聽規勸，故認為公司解僱合理。