阮民安抽水黃店執笠　網民揶揄「比你掂過都冇好下場」

黃店排住隊執笠！位於大埔的「彩虹串燒專門店」日前宣布，將結束經營15年的旗艦店，將於本月31日交還店鋪。靠黃上位的奀星阮民安，亦乘機抽水發文「哀悼」，並晒出一張大合照。有網民留言揶揄「好心你啦，比你掂過都冇好下場」、「有你加持，想做長都難，即死」。

「彩虹串燒專門店」日前發文，表示「近年開關後，生意仲差過疫情很多很多，實在撐唔到」，決定結束開業15年的旗艦店，並於今年3月31日交還店鋪。至於餘下最後一間堂食店，日前亦收到業主消息將會加租，該店就話會盡最後努力堅持落去。

阮民安則在社交平台發文抽水，話覺得好可惜，又話「好高興曾經與您哋並肩同行」，仲晒出一張大合照，指「呢張舊相，係攝於當年佢哋荃灣店大火幫佢哋吹雞救店的一刻」。有網民留言揶揄「物以類聚人以群分，垃圾同垃圾一堆」、「呢個黃店？都係多得你唔少先執笠，好，執得好」、「呢啲就係撐他，撐他，變成一腳撐死他！呵呵呵！」、「近朱者赤 近墨者黑⋯⋯，自稱黃人，呢世冇運行⋯⋯」、「搵鬼幫襯，班黃人，十分現實，去了深圳玩了！」