凍到連蝙蝠都頂唔順　1死2傷交嘉道理農場治理

近日天氣急劇轉凍，部分地區氣溫低至攝氏6度，很多在戶外的動物沒有遮風之地，只能忍受寒風刺骨。有網民在社交平台發文指，在慈雲山毓華街路邊發現3隻蝙蝠，疑因天氣太凍，僵硬地從樹上跌落地上，有好心友通知香港愛護動物協會處理。

該名網民前日（23日）在fb群組「慈雲山資訊交流」發文指，「唔係講笑連蝙蝠都頂唔順」，從上載相片可見三隻蝙蝠，疑因天氣太凍，僵硬地從樹上跌落地上，毫無反應，樓主擔心「咁凍又落雨有可能死咗」。

不少網民留言，「咁鬼凍，人都凍到騰騰震，蝙蝠唔例外，希望佢哋只係凍暈咗，晏啲醒番啦！」亦有人建議用毛巾包裹蝙蝠保暖。其後樓主表示，有山友通知已經救番其中2隻，已交予愛護動物協會照顧。

香港蝙蝠資訊站亦有在帖文留言，感謝大家嘅幫忙及關心，表示「有朋友已報SPCA（香港愛護動物協會），上述兩隻生還嘅短吻果蝠已安全及妥善地交咗比SPCA照顧，其後會轉交比嘉道里農場進行後續治理」。

對於有網民問及「呢啲蝙蝠對人有沒有害？」該資訊站就解說指，在人類不干擾蝙蝠的情況下，蝙蝠對人類只有利無害。「你搞佢，佢自衛反擊就無計啦。佢哋係驚人，不會主動攻擊人。再者，所有野生動物都有菌同病毒，人類唔好捉佢、食佢、破壞佢棲息地，就一切安好了。」再者，圖中的蝙蝠是短吻果蝠，夜晚只係飛出嚟食下果實、花蜜。