旁觀者｜連詩雅突破性「抑壓」演出 集集爆喊筋疲力盡
【點新聞報道】連詩雅在《旁觀者》瞓身演出，劇情所需她需爆喊、演繹慘遭強姦及出浴等不同場口，她每日開工均喊到筋疲力盡。
連詩雅說，差不多一整集由頭喊到落尾，拍攝時除了要忘記連詩雅本身的性格外，更是每日開工均喊到筋疲力盡。對於連詩雅的突破性「抑壓」演出，網民大表受落，還大讚連詩雅喊樣「夠曬靚」。
當中連詩雅被鄧伊婷（Irina）瘋狂扯頭髮一幕，鄧伊婷因擔心誤傷連詩雅而壓力爆煲：「摑只係一嚇，但扯頭髮過程好長喎。其實我真係寧願畀人打，打人真係唔知點，好驚整親對方，導演有嫌我唔夠力同唔夠真，都拍咗幾take。」她續指全靠連詩雅安慰及鼓勵，才順利完成場口，「連詩雅叫我唔使驚，仲話寧願我用力啲，等大家可以快啲收工。」
除了詩雅及伊婷，是次對周志康亦是一大挑戰，根據官方拍攝花絮，拍攝強姦場口當日，周志康心理壓力比連詩雅還要大，先後高呼「我依家開始驚」及「我開始後悔」。反觀連詩雅則全程表現輕鬆，除了秒速入戲及從場口中抽離外，全場自稱「好好打」的她，更撩周志康玩拗手瓜舒緩氣氛，愉快惹笑的拍攝現場與拍出來的劇情形成強烈對比。
由葉鎮輝（阿細）及權香蘭擔任監製的劇集《旁觀者》，逢周一至周五晚9點半在翡翠台播映，昨晚的劇情圍繞講述張柏妍（連詩雅飾）、馬子洋（謝東閔飾）及Wesley（周志康飾）。鍾情子洋多年嘅柏妍，因誤信男方而慘遭Wesley強姦，分明係受害者嘅柏妍，因為子洋及Wesley 幕後操作，反成為眾矢之的，被指控色誘兼誣衊Wesley之餘，更被冠以「社工妓女」惡名，令原本已活得甚為抑壓嘅詩雅失眠及驚恐情況更見嚴重……
（點新聞特約記者陳惠芳報道）
相關報道：
