陳健安《好好掛住》加推Acoustic版　MV做回男主全新演繹

【點新聞報道】陳健安（安仔）於上月推出歌曲《好好掛住》，更舉辦了「好好掛住 作品分享」展覽。展覽過後，安仔日前特意錄製《好好掛住》Acoustic版回饋樂迷，他說：「經歷咗掛住之後嘅一個新版本，叫做《好好掛住Catch You Later》。」

安仔將這個版本命名為「Catch You Later」。他解釋：「個名幾chill，唔係好傷感。好似我喺送別禮上面，送呢首歌畀離開咗同埋掛住嘅人同事，最後講一句『catch you later，遲啲見』。」

原版《好好掛住》MV中，安仔找來三位好朋友，分別有AK@MIRROR（江𤒹生）、商台DJ飛機（江慧楓）、以及「造星V」參賽者Tiger Foo符紀男，以畫作分享內心想好好掛住的「動物」、「家」和「親人」，反而安仔在MV中出現的畫面相對有限。而今次的Acoustic版本，安仔終於做回主角。至於音樂方面，安仔同樣花盡心思，無論樂器、唱腔、以至歌曲的速度，也作出一定調整，安仔坦言在錄音前要幫自己「洗腦」，忘記原版的唱法。

安仔續指兩個版本適合在不同時間收聽：「原版適合靜靜哋喺屋企聽，新版我建議搭緊車望住唔同風景，或者揸緊車播出嚟，我覺得都幾啱咁樣去聽。」

（點新聞特約記者陳惠芳報道）