譚詠麟病癒首公開現身 瘦到見青筋「把聲唔好」
【點新聞報道】溫拿樂隊成軍50周年，五虎將於8月在紅館舉行7場告別演唱會，譚詠麟、鍾鎮濤、彭健新、陳友及葉智強今日（21日）現身灣仔書展，出席「溫拿50由始至今」講座，互爆趣事談笑風生。
現年72歲的譚詠麟日前在社交平台透露自己病倒，足足瘦了15磅，近照明顯看出面頰凹陷，看起來相當疲憊。今日他在台上身形消瘦如「紙片人」，甚至可以見到青筋凸起，他幽默地說：「今日我要事先聲明，大家都知道我中暑，所以把聲唔係咁好。」陳友接着說：「有喜訊，佢瘦咗17磅」。校長續說：「唔知係咪喜訊啦，總之keep住啦，而我覺得呢本書可以將我哋嘅友誼同我哋做過嘅嘢分享到畀大家知。」
而陳友又大爆同校長「放屁」羅生門的趣事，「記得好耐之前，有一次我哋溫拿出去做嘢，我就同校長見得閒，於是就匿喺樓梯底度捉棋，突然之間爆咗一吓屁聲，我就即刻望向後面，係空無一人，然後我就望住校長，佢竟然話係我，我就話唔係我喎，咁所以呢件事到而家變咗羅生門。」校長笑說：「根本一啲羅生門都冇，我就最鐘意睇人忟嗰個樣嘅，佢愈忟我就愈係咁」，引發台下笑聲不斷。
相關報道：
