「媽寶公屋仔」拎10萬移英做執枱　網民：絕對仲衰過喺香港

不少移民英國的黃絲在港一事無成，卻天真地以為移英後一帆風順，一名公屋出身的港男拎住不足10萬元移英，去到做低薪藍領，日日大呻英國「呢度衰嗰度衰」，要靠在香港的媽媽課金度日，大感後悔咁話。網民揶揄對方係「媽寶公屋仔」，指「唔好妄想可以拎住十萬八萬喺外國過得好Chill，絕對仲衰過喺香港，特別依家好多人自視過高但實情唔捱得」。

近日，有網民在「連登討論區」以「得罪講句，如果英國咁好住，點解以前留學果班10個有8個都回流」為題發帖，提到他認識一位「媽寶公屋仔」，形容他冇錢、冇生活、冇專業技能又自大，拎住唔夠十萬走去英國做低薪華人餐廳執枱，日日大呻英國「呢度衰嗰度衰」，仲要被人呃錢，成日捱餅乾度日。好彩，在港的媽媽當佢如珠如寶，公屋仔有需要就要求家人「課金」寄物資。而公屋仔曾取笑英國讀學士及碩士的中學同學，話對方返香港冇工作經驗一定搵唔到工，結果人哋返港半個月就受聘大公司。

樓主直言，不會隨便吹捧英國好住，太多事不方便，生活用品選擇唔多但賣得仲貴過香港，好多行業人工比香港低一截。他表示，英國本土都好多人係生存唔係生活，而未來日子同生活開支只會越嚟越難捱，好多英國人都覺得未來一片愁雲慘霧。樓主選擇了回流，而公屋仔朋友最後亦向他坦承後悔中。