銅鑼灣竟有座「圓形天橋」

問問自己，有幾耐無留意身邊事物？其實特色建築隨時在左近。比如說在銅鑼灣，就有一座圓形天橋。然而它實用性欠奉。講真，由實用層面睇，佢其實一啲都唔方便，行一條旋轉樓梯上到去，仲要兜一大個圈先過到對面，費時失事，一般人都會寧願行地面過對面街。

當然，它的藝術觀賞價值爆燈。如果係由藝術角度欣賞，佢外形獨特，1963年落成的設計，今日睇返一啲都唔過時，其圓形設計喺香港非常少見，喺銅鑼灣嚟講非常醒目，算係相當標誌性建築。

而且它是多套電影取景場地。而因為咁獨特，多年來呢條橋成為打卡熱點，唔少電影都會用呢度做背景，好似90 年代香港《古惑仔》電影系列，唔少黑幫打鬥場面都係度發生，近年代表就有科幻電影《攻殼機動隊》。亦有電影利用其圓形結構來營造向左走、向右走的邂逅或重逢等氛圍。