【點新聞報道】近日，有移英港男在社交平台發文大吐苦水，慨嘆在英生活百物騰貴，每月單是應付基本開支及交稅已耗盡大部分薪金，直言：「好難儲錢」。帖文隨即引起大批同路人共鳴，直指當地是「合法搶錢」，大嘆生活不易。
該名移英港男在Threads發文，無奈大呻：「點解好似喺英國好難儲錢？」他坦言，每月的薪金在扣除日常食宿、水電煤等基本繳費以及重稅後，已經消耗許多錢，直言「食、租、交費、稅，去咗好多」。
除了高昂的生活成本，樓主亦對當地的政策感到無所適從，直言：「Pension英國政府成日改，稅項又複雜，唉好難明。」
帖文掀起網上熱議，不少同路人對樓主的處境深表認同，直指：「唔係好難，直頭冇可能」、「我明！仲有車費好貴，小數怕長計，所以我依家轉咗踩單車出入，之後慳唔少」，甚至有同路人狠批：「英國好多地方都係合法地搶錢」、「俾政府搶晒」、「建議刪咗『好似』兩隻字」、「你啲Tax用嚟養其他人㗎嘛」、「呢個地方根本人工低稅又高，正常搵錢都唔喺度」。
（本文為作者觀點，不代表本媒體立場）
收藏
取消收藏
分享
