【點新聞報道】無綫台慶劇《璀璨之城》今日（8日）在尖沙咀舉行「璀璨王者 終極降臨」記者會，公布劇集將於10月12日晚在翡翠台首播。一眾主演包括張智霖、吳卓羲、高海寧、張曦雯、姜大衛、江美儀、蔡一智等盛裝出席。
吳卓羲與張曦雯早前被傳戲假情真，更指二人共同收養流浪貓「冬菇」，今日是緋聞傳出後首度同場。二人合照時被要求「派心心」，向來玩得的吳卓羲竟罕有尷尬，張曦雯亦表現害羞。談到緋聞，吳卓羲先叫大家集中看劇：「劇入面我哋幾相愛！」被追問現實中是否拍拖，他謂：「我哋唔拍戲時都好照顧大家，一齊食飯傾下劇本。」記者問是否想單獨約會，他直認：「想㗎！」身旁張曦雯亦甜笑表示想，吳卓羲即說：「畀啲空間我哋先！」至於會否公開戀情，他笑言：「到時話畀你聽囉，收視好嘅話。」
對於「訂情貓」冬菇，張曦雯宣示主權：「冬菇係屬於我嘅！我係佢第一個媽咪。」吳卓羲則指自己只是在片場見過其他貓，又透露有將自家製寵物食品送給冬菇試食。問到張曦雯做女朋友如何，吳卓羲直言：「做女朋友就梗係冇得頂！」張曦雯則大讚吳卓羲細心、有愛心、照顧身邊人，講到會給多少分，吳卓羲搶答：「滿分呀！」
張智霖在劇中飾演官家大少官孝賢，角色陰沉邪惡，對高海寧飾演的妻子進行精神折磨。高海寧形容拍攝過程十分「分裂」：「佢私底下好風趣幽默，但一入戲個眼神就逼埋嚟，我好似一朵花，原本盛放，之後一路縮到枯萎。」談到劇中暴力場面，高海寧透露其中一場戲要拿利器威脅張智霖，張智霖即補充：「有場戲佢搵嘢插我，之後發現我流血！嗰下我無話佢知，怕佢驚。其實好近好近大動脈㗎，死就死啦！」對於智霖於戲中多親熱戲，被爆太太袁詠儀（靚靚）曾經監場，智霖强調絕無此事。
張智霖表示今次角色過足癮，預了被觀眾鬧：「個人大咗可以試下，做人唔可以再咁陽光。」他提到太太袁詠儀有來探班，會即場討論他的表現，笑指老婆是雞蛋裏挑骨頭。談到兒子魔童休學一事，張智霖澄清是Gap Year：「最主要係俾個機會佢揀下，我這個時候巡迴，自私啲想佢陪我多啲。」
（點新聞特約記者陳惠芳報道）
收藏
取消收藏
分享
