港台節目《鏗鏘說》今晚（13日）播出，邀得導演杜琪峯(杜Sir)接受主持蘇玉華訪問。杜sir經歷過電影的高、低潮，更提到早前蕭若元和游學修討論「香港電影已死」的話題，杜Sir在節目中強調這句說話純屬「廢話」。
杜sir不點名批評蕭若元不懂電影︰「佢話香港電影已死，我好多年前都聽過，佢都唔識電影，佢只黐住電影搵食，做電影嘅年輕人千祈唔好聽，呢句係廢話。講個啲人根本唔了解電影，佢自己冇得撈，以為人哋都冇得撈。」
而近日政局，外間一直炒熱影創作自由、言論自由收窄等？杜sir直言沒有。杜Sir形容自己這個創作人是個「橡皮蝨乸」，意思即是「撳極唔死」，他表示創作是很靈活︰「問題在於內容係你要講，定人哋要你講，自己要去衡量，我哋係做創作、做電影唔需要挑戰任何嘢。我鼓勵小朋友一定要做落去，你唔做即係你投降。」一向擅於拍攝警匪片的他，他在節目中提到他的創作靈感是源自社會及生活，更指2003年若沒有大遊行爭取普選，就未必有電影《黑社會》選話事人的劇情。原來杜sir曾想當警察,，但最終沒有走上這條路。但他認為不管警察與否，做了犯法或不正當的事，遲早都要還「如現今社會出咁多問題咁多嘢，今日唔能夠總結而家係點，但我相信日後都會有啲嘢，話畀大家聽係對定錯。」
對於有說往後警匪片題材難拍？杜Sir即說：「我會諗可以唔從呢個角度（警察）去諗，如果拍警匪片嘅話，我會搵啲比較唔係咁矛盾性嘅題材去諗，用你話得嘅方法，去揣摩一個我話得嘅方法，例如我同韋家輝嘅《神探》，同警察冇關係，我講嗰個人點去睇一件事，唔當係警察image去講，就會冇咁直接去到一啲大家抗拒嘅位。」他又叮囑年輕人若要拍攝電影，沒有必要去硬碰某些題材，更講明：「一定要做落去，但一定要聰明地去做。」
對於自己和香港的宿命，杜sir笑指自己是由「做boy變咗做導演」，對於香港，他認為這是一個好另類的地方，「這裏充滿靈活性，全世界也沒有任何地方像香港一樣，如果香港跌入咗一個框架入面，就不幸，佢（香港）係一個好靈活嘅地方，人靈活、制度嘅好處，法治各方面形成咗香港出嚟，其他地方冇。佢嘅宿命就係得佢一個，佢唔似呢個又唔似嗰個，佢似佢自己，如果佢一旦變咗，佢就離開宿命，仲有一息尚存的話，我覺得我哋應該充滿希望，我哋應該積極啲面對未來。」
香港近兩年變化，令部份港人感到前路沒希望？他說：「在呢個時代中，更加考驗我們的韌力。在電影圈年輕一代，你哋有時間和衝動，做你哋嘅任務。」他強調香港人只要有信念，縱使未能達成目標，但終歸是對自己一個交代。
在節目尾段，杜Sir選擇了於2004年上映、由郭富城、古天樂主演的《柔道龍虎榜》送給香港人，「那年爆發沙士，部戲本來唔係咁，但想在同那時比都係差不多，大家絕望到不得了，我覺得呢刻問題係。一定會過去，疫情一定會過去，從來冇一場疫情到而家係唔會過去嘅，問題係點處理呢個疫情。柔道最重要係企返起身，撻咗落去起返身咪得囉，不停咁去戰鬥。」
（點新聞陳惠芳報道)
收藏
取消收藏
分享
