【點新聞報道】近日，有沙田居民於社交平台發布帖文，指放工回家時，在沙田發現一地火紅色的怪蟲。她拍照後好奇搜尋，竟發現怪蟲原來是被稱為「紅蝽」的害蟲，其黏液或引致嚴重過敏反應，本港曾有小童被紅蝽咬後送入ICU，因此呼籲網民們小心。帖文引起關注，有住在沙田、大圍、元朗及天水圍的網民亦紛紛留言報告，近日在區內發現紅蝽的蹤跡。
該沙田居民於6月29日（星期日）在社交平台Threads發布相片，指在沙田市中心紅十字捐血中心、希爾頓中心附近街頭發現一大堆火紅色的「神秘怪蟲」，配文「啱啱喺沙田，一收工見成地都係，好奇search下，點知……」。從樓主發布的相片看，地上一堆紅色怪蟲聚在一起，「仲要5-6堆，幾十隻喺條路到。」
樓主指，她上網搜索後發現，該紅色怪蟲名叫紅蝽（又名離斑棉紅蝽/赤星蝽象），是一種農作物害蟲，食環署在過去曾表示，紅蝽的黏液有可能引致嚴重過敏反應。過往本港曾有小童因被紅蝽咬到，出現嚴重過敏須入深切治療部，她知悉後感到震驚，「真係X出聲，原來早幾年有小朋友因為畀佢哋咬，入咗ICU。」
樓主稱自己「喺沙田返咗兩年幾工，第1次見佢哋出沒」，紅蝽「依家先啱啱開始蒲頭，佢地7-8月最熱先係旺季」，「再熱啲先到高峰期。」由於木棉樹的木棉為紅蝽的主要食物，樓主提醒網民「經過多木棉樹嘅路，開遮行穩陣啲，真係咬到，就清水沖洗，盡快睇醫生」。
帖文引起網民共鳴，來自大圍、元朗、天水圍的網民皆留言指發現紅蝽的蹤跡，「啱大圍見到，紅色都警嚇叫人唔好掂佢。」、「係元朗到見過，乜原來咁毒架。」、「諗住落街放下狗，成個天水圍洪水橋都係呢啲紅色蟲，行幾步路就一堆。」亦有網民擔心會成為韓國「紅火蟻入侵」事件「翻版」，警告「麻煩見到都踩死佢哋，佢哋變多又成為第二個韓國咁」。
食環署曾提醒，如不慎接觸到紅蝽黏液，應立即用水清洗；如敏感性皮膚或身體健康狀況較差的人士接觸到紅蝽黏液，有機會出現嚴重過敏反應，應立即求醫。
收藏
取消收藏
分享
