【點新聞報道】何雁詩今日（8日）出席節目《照顧者們》的活動，並擔任司儀，育有患罕見病「天使綜合症」兒子的她，分享家庭近況，同時向照顧病者家屬送上鼓勵。何雁詩更言會繼續工作平衡心理，不會全職湊仔。
阿詩帶2歲半兒子往美國接受3星期治療，她受訪時稱囝囝接受完治療後大有進步，她說：「以前爬唔到，依家識爬，同埋活動範圍大咗，希望有朝一日可以拖住佢行，不過佢做唔到運動，（學會說話嗎？）『天使綜合症』嘅小朋友係唔識講嘢，所以我同全家人都學緊手語，希望他大咗可以同人溝通，其實佢今日進步過昨日，我已經好滿足。」
何雁詩又指囝囝每日接受5小時的治療過程，他因為太攰而日日爆喊：「其實佢唔知點解要接受療程，所以好扭計，不過佢咁細個，完成療程都好叻啦，我就係佢療程最後一日喊，不過係開心嘅眼淚。」
至於農曆年和囝囝有何慶祝節目？何雁詩指老公會隨父母帶囝囝到日本旅遊，她則留港工作：「我嚟緊會參加高爾夫球比賽，仲會有其他嘢做，我想出嚟做嘢，唔係日日湊仔，做嘢先可以平衡到心理。」她又言《照》節目可帶出能量，因為外界只關注特殊病患者，其實照顧者的心靈同樣需要他人關懷。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
