九巴女子爆粗要求落車　車長態度冷靜網民謔「油麻地公主」

社交網站近日瘋傳影片，有女乘客坐巴士到油麻地時，疑在巴士落客關車門後想落車，惟巴士已駛離車站，車長拒絕開門。女乘客即時在車上發難，走到車頭不斷叫囂，指令車長「開門呀，唔係我投訴你呀！」。車長解釋已駛離車站兩個車位，不能開門，惟女乘客仍大罵大吵，更對車長拍照及爆粗，又揚言要報警；車長則全程表現平靜，最終巴士載着女乘客繼續駛向下個車站。網民形容片中女子已犯法，報警只是「拉自己」，有人則形容她是「油麻地公主」，又激讚車長「EQ高、態度好」。

該片段昨日（30日）上載到facebook群組，發布影片的網民指事發地點位於油麻地消防局，形容「油麻地公主大鬧九巴」。九巴回覆指，昨午約二時，一架270A線巴士駛離油麻地消防局巴士站後，車上一名乘客從上層下來表示要落車，由於已駛離巴士站，車長安排乘客於下一個站落車。九巴呼籲乘客如需落車，請預早作好準備。