曾憲寧執導的首部長片《燈火闌珊》入圍第35屆東京國際電影節（TIFF）「亞洲未來」單元競賽部分，成為唯一一部於今屆東京國際電影節中爭奪殊榮的港產片。兩位幕後主腦今日（24日）聯同有份主演的蔡思韵（Ceci）及周漢寧一同參與電影節的開幕典禮，眾人亦分享了他們在疫情後往海外參展的心情。
再次參與TIFF，監製陳心遙感到使命感，他說：「今次係繼2016年《哪一天我們會飛》之後，再次帶作品同團隊踏足日本嘅電影節。全球經歷咗幾年疫情，實體影展差不多全部停辦，現在終於可以再次親身同世界各地嘅電影人交流，感到興奮同十分期待，希望開幕式和紅地毯部分認識更多電影創作人，有機會介紹多些香港電影現況。」
對於兩位演員來說，今次是蔡思韵首度參與在香港以外地方行紅地毯，她表示這種感覺既陌生又熟悉。蔡思韵說：「其實唔好話日本，連離開香港，都已經有兩、三年都冇出過去。日本都有5年。對上一次係去京都旅行，所以嚟到久違嘅日本，係超級開心同興奮，而第一次在香港以外地方行紅地毯，喺唔熟識嘅語言、唔熟識嘅環境，但係電影係大同，因為電影可超越語言嘅藝術媒介。好開心可以將一套香港電影帶到嚟日本，可以同唔同嘅觀眾交流，甚至可以同日本嘅觀眾、電影人交流，我覺得好開心，好榮幸參加呢個電影盛會。」
蔡思韵希望能在影展中遇上心儀的演員，她說：「我好想見到安藤櫻，佢係我偶像，如果見到佢一定超級開心。我睇過佢好多作品，係非常有個性嘅演員，同埋佢表演實在太勁，希望有機會集郵。」
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
