專訪｜邱士縉自認「貪心演員」冀挑戰更多角色 籲觀眾帶耐性品讀《告別的年代》
【點新聞報道】MIRROR成員邱士縉（Stanley）近年活躍於影壇，更首度挑戰跨國大銀幕，於《告別的年代》挑戰一人分飾兩角，在風流浪子與內斂書生的身份中切換，並熟練掌握馬來西亞口音普通話與粵語。早前Stanley接受點新聞專訪，大談拍攝難忘事，亦興奮分享參加國際影展的經歷，而對於給自己的演技打分，他即刻變回「謙虛Stanley」：「70分啦，仲喺學習階段！」
監獄重逢戲最具挑戰 分享一人飾兩角秘訣
講到印象最深刻的一場戲，Stanley立刻選擇監獄重逢那場，「戲中宋芸樺飾演嘅杜麗安好耐以前離家出走，過咗好多年之後，竟然喺監獄入面見返佢，嗰場戲對於我嚟講個情緒好悶嘅，take咗很多次。」Stanley解釋，不是因為他們入不了戲，而恰恰相反，導演希望宋芸樺將部分情緒「收回去」，不想她哭出來或者太傷心。「佢都好自然流露咗好多情緒，但係導演就好想拉返住佢，咁拉扯就係停咗好多次take。」
問及今次最大挑戰，Stanley認為語言是第一關，雖然本身講粵語沒有難度，但電影的背景設定在六七十年代，腔調要調整，「又驚太過火」，所以他不時提醒導演「你幫我睇住我，唔好太誇張。」普通話方面就找了老師特訓三、四個月，不停淬鍊對白。Stanley續指，真正考功夫的是兩個角色的演繹，「一個比較風流，一個比較書生型、內斂，」但他不想只靠外表區分，而是透過和導演探討角色對於故事情節的不同態度來呈現區別。
他提到，飾演的角色有個「30歲就會死」的設定，哥哥覺得「我係唔會死嘅，應該去享受生活」，所以不怕與人建立感情；弟弟則從小到大被教導「唔好同咁多人有咁多Bonding」，因為害怕失去，所以性格比較內斂，不敢與他人產生情感。
至於哪個角色更像自己，Stanley笑稱「兩個都係我嚟嘅」，哥哥那種外向、喜歡跟身邊人聊天的樣子，是他平時的狀態；但弟弟那種Emo感覺，可能是他回到家胡思亂想時的模樣，「所以其實兩個都搵到我影子喺入面。」
見觀眾排隊搶飛好感觸 70分演技仲有進步空間
早前跟着《告別的年代》去了多個國際影展，Stanley說感觸很深。在金馬影展首映，他見到很多年輕人排隊搶票，「香港已經好難睇到啦，咁多人！」而最觸動他的是，即使觀眾聽不懂普通話或粵語，單靠畫面和情緒，一樣可以產生共鳴，「簡單嚟講，就係用電影去同世界溝通，即使唔同國家，唔係講同種語言，但係戲所講嘅Message可能某程度勾起咗一些Connection同佢哋（觀眾）一起，我覺得呢個係電影嘅魅力所在。」
Stanley坦言，現在作為演員被大家熟知，覺得為MIRROR增添一份價值，「當初我覺得自己喺MIRROR入面嘅價值唔大，會好容易自卑咁樣諗。」不過，他認為演戲這條路要逐步積累作品，慢慢去耕耘，「依家開始踩得穩啲啦，感覺帶多啲價值俾團隊，即係原來MIRROR都有成員可以做得到戲，唔係單純唱歌跳舞叻啊。」
講到演技評分，Stanley二話不說：「70分！」他指自己還在學習階段，熱心學習的時候會吸收很多不同的東西，消化完則懂得分辨好壞，「我會將咁多年嚟學到嘅嘢慢慢擺落去，雖然未Master到，但係Feel到好像係啱嘅，喺個正軌上面。」至於《告別的年代》的表現，他鬆口多給10分到80分，「永遠都會睇自己唔順眼，永遠都想再做好啲。」Stanley更直言自己一向是「好貪心嘅演員」，多年來的作品及角色變化比較大，未來不會限定想演的角色，「我覺得咩角色都可以挑戰到。」
最後，Stanley寄語香港觀眾，入場看《告別的年代》要帶點耐心，「呢套戲係一本好美味嘅書，頭半個鐘可能好多嘢你未必睇得明，但慢慢拼湊到中後段，你會發覺有好多線索拼湊返，最尾會見到一個好靚嘅風景！」這部由導演楊毅恒編導，宋芸樺、邱士縉、劉子銓主演的浪漫電影，將於11月19號在香港上映，大家不妨走入劇院一起品讀這本「美味嘅書」。
（點新聞記者梁譯尹報道；視頻攝製：Sunny、陳禹辛）
Stanley credit :
Hair: Seiko Sin @Hair Culture
Makeup: Rainbow Chung
Top: Burberry
Pants: Calvin Klein
Shoes: Giuseppe Zanotti
Jewellery: Apm Monaco
相關閱讀：
