關智斌首辦粉絲聚會感觸眼濕濕 承諾組團旅行 負責導遊同攝影

關智斌(Kenny)日前舉行入行以來首個粉絲見面會,正式與一班支持多年的「朋友仔」見面。

【點新聞報道】關智斌(Kenny)日前舉行入行以來首個粉絲見面會,正式與一班支持多年的「朋友仔」見面。Kenny直言感覺夢幻,甚至有點不敢相信。

Kenny說:「入行廿幾年,一直覺得自己好幸運,有班朋友仔默默喺背後支持,但從來未試過正式為自己成立一個屬於我哋嘅官方粉絲團,更加未試過搞一個純粹屬於我哋嘅『成立日』聚會。」他形容站在台上望着現場眾多面孔,感覺與平時開演唱會截然不同:「好似邀請咗一班識咗好耐嘅老朋友嚟我屋企作客,距離好近、好真實。」他更言覺得自己終於幫大家建立了一個正式的「屋企」。

籌備見面會期間,Kenny最堅持一定要有「逐一合照及簽名」,他希望可以面對面向fans講多謝。

籌備見面會期間,Kenny最堅持一定要有「逐一合照及簽名」,他希望可以面對面向fans講多謝。提到最感動的畫面,Kenny指見到很多熟口熟面的面孔,完全冇隔膜。」他特別難忘簽名時有fans對他說:「等咗廿幾年,終於等到入會呢一日!」Kenny謂聽到那一刻不禁眼濕濕。而與fans之間的互動,Kenny笑言相處模式一向是「相愛相殺」:「佢哋平時好鍾意喺網上整我啲『黑圖』或者Cap我啲奇怪表情包,成日笑我係『偶像包袱零負擔』。」他續指,搞笑歸搞笑,雙方一直有個無形約定,希望每次見面都見到彼此變得更加好。

見面會完結後,Kenny預告這只是一個開始,接下來會與團隊商討不同形式聚會,如做運動,露營野餐,「至於同fans去旅行就真係要好好計劃吓,如果成事我一定會負責做導遊同攝影師,帶大家去食好嘢同影靚相!」

(點新聞特約記者陳惠芳報道)

(本文為作者觀點,不代表本媒體立場)
收藏 收藏
取消收藏 取消收藏

關智斌首辦粉絲聚會感觸眼濕濕 承諾組團旅行 負責導遊同攝影

(本文為作者觀點,不代表本媒體立場)
收藏 收藏
取消收藏 取消收藏