【點新聞報道】TVB《一周星星》今晚（15日）一集邀得胡楓（修哥）與羅蘭姐擔任嘉賓，接受主持區永權訪問，並親自回應外界傳足多年的緋聞，爆笑連場。
修哥早前因突發急性膽管炎引發膽石堵塞，一度入住ICU（深切治療部），康復後坦言身體「仍需努力」，但強調活動自如：「唔單止飲茶，仲可以出去應酬，不過已經推咗一啲，人多嘅地方唔去。」至於飲食，修哥大大聲話：「咩嘢都食。」羅蘭姐即場踢爆：「佢睇清楚菜單之後，就會話『呢個我唔食』。」修哥被老友篤爆，場面搞笑。
在「獨家考古」環節，其中羅蘭姐在《神鵰俠侶》的裘千尺造型夠曬經典，她自爆當初遭到媽媽嫌棄，但羅蘭姐自己很喜歡這個角色。另一邊廂，講到《歡樂今宵》年代，修哥當年60歲做仰臥起坐（Sit Up）畫面曝光，完全不輸年輕人，他謙虛表示：「可能平時多行路、多做運動，所以有咁嘅效果。」
今集焦點是修哥與羅蘭姐毫不避忌大談傳足多年的「黃昏戀」。修哥笑言：「係呀！一Pair好耐㗎啦，70幾年。」更豪言：「你夠膽問我就夠膽答。」相當霸氣。另在「你問我答」環節請來張國強（KK）、米雪、姜大衞（John哥）等隔空提問。其中「影帝」張家輝抵死問道：「羅蘭姐，你首次穿比堅尼拍攝時幾多歲？」、「修哥，你跳舞那麼厲害是哪裏學來的？」修哥更透露早前在紅館舉行《修哥九五至尊無限楓騷演唱會》後台，張家輝與劉德華暖心舉動：「演唱會最後尾我好攰，降到落後台嘅時候我成身汗，佢（張家輝）同劉德華就同我換衫同我抹汗，佢哋兩個對我非常之好。」後輩的貼心舉動令修哥相當感動。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
