【點新聞報道】「龍門」未起，先行內訌？近日有消息指BNO永居英文要求將由B1提升至B2，引起移民廣泛討論。安排尚未完全落實，但有移英港女在社交平台發帖，直言看到部分手足的「風涼話」留言「睇到火滾」，忍不住開腔反駁。
網民在帖文中指出，有人留言稱「連B2都考唔到，點喺英國生活？」、「既然選擇移民，就應該努力啲學英文啦！」她強調學好英文固然重要，但質疑「學英文同政府中途改變遊戲規則，究竟有咩關係？」她認為，考到B1本身已證明有基本英文溝通能力，對於年紀較大的朋友、需要照顧家庭的主婦而言，要兼顧生活再去考英文，「根本唔係一句『努力啲啦』就可以解決」。
最令她反感的是部分已取得永居的香港人，對尚未取得永居的人冷言冷語，甚至認為提高要求並無問題，「係咪因為件事已經唔關自己事，所以講風涼話特別容易？」
該網民又指BNO並非普通移民簽證，反問：「當年幾多香港家庭，係信任英國政府公布嘅政策，先決定放低香港原有嘅生活，帶住一家大細嚟英國重新開始？」她認為，當前重點並非應否努力學英文，而是對已按原有政策移居英國的家庭而言，中途改門檻究竟公不公平，「政府唔應該中途搬龍門」。她呼籲移英港人團結，「自己上咗岸，都唔好忘記當初點樣游過嚟」。
帖文引來不少網民留言回應，有人認同發帖者，「咁多KOL，得你一個講人話，其他避得就避」；亦有留言批評部分人「靠大學證書」曬IELTS成績，卻未正視「搬龍門」問題。有網民指出，「隨時搬龍門係大問題，今日可能B2，下次就同你講你要10+1，再下次又有其他花樣」。亦有留言稱，「如果要ILR咗嘅BNOer補考B2，睇吓班粉腸仲有冇咁串」。
（本文為作者觀點，不代表本媒體立場）
收藏
取消收藏
分享
