【點新聞報道】為明年1月《AURA 容祖兒演唱會》宣傳，容祖兒早前與商台合作搞《903 DJ－Joey Hits Battle同容祖兒去唱K》，召集近乎全台DJ，一齊唱K，大玩祖兒歌。
眾DJ各自選唱祖兒代表作，梁文禮選了國語偏門歌《亞亞亞》，笑言「一定唔會撞」，只練過一次。祖兒都話呢首歌詞密，自己唱都會「打kick」，佩服佢他夠膽挑戰。森美就揀咗《啜泣》，他更透露揀這首歌是因為林夕寫出暗戀得不到的淒美感覺，令他想起幾十年前暗戀剛出道的祖兒，惹全場大笑。
講到演唱會選曲，祖兒劇透今次將會有大膽取捨：棄用多年演唱會固定環節Medley。音樂總監何丙叫她「狠心啲啦，冇medley！」希望每首歌都原汁原味、完整演繹。祖兒初時答應，幾日後又忍唔住問「係咪真㗎？」因為完整唱每首歌，曲目數目自然要減少，不過她透露，不同場次或會安排不同歌單，等歌迷每次都有新驚喜。問到自己唱K習慣，祖兒說朋友叫她唱自己歌，她會唱一兩首，但自己點歌就鍾意點別人的歌，因為她都係聽眾。最近唱K就點了湯令山同孫燕姿的《我不難過》，笑言唱到「好難過」。
活動還加插「估歌仔」環節，每首歌只播兩三秒，DJ們即刻搶答，反而祖兒初段只答啱一兩題，被工作人員笑「容祖兒加油」。祖兒解釋自己是八十年代，要求玩返九十年代歌。最後播出王菲《愛與痛的邊緣》，眾DJ特登讓祖兒搶答，答對後全場歡呼拍手，場面搞笑。
祖兒大讚今次活動寓工作於娛樂，DJ們平時好少一齊唱K，今次玩得盡興之餘又認真準備。當日唱K實況，已於今日（11日）由朝早《雲妮鍾情》到凌晨《失眠藥》，於叱咤903十二個節目中全日陸續播出，實行洗版式放送。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
