【點新聞報道】不少港人盲目跟風移英，往往忽略了離鄉別井、舉目無親的真實考驗。近日，有移英港男在社交平台發文大吐苦水，指自己以「太空人」身份獨自先行、抵英打點，豈料落地首晚即被現實擊垮。港男面對異地的無力感，失控大哭，甚至陷入嚴重自我質疑與後悔中，帖文引起網上熱議。
該名46歲港男於今年10月底單槍匹馬赴英，其直言：「我過嚟做開荒牛，搵屋、搵學校」，妻子則留港照顧老人家，計劃兩邊走。港男以「第一次出post，落地英國第一晚（太空人）」為題於Threads發文，坦言抵達當晚便大哭一場。他感嘆，「第一日就發覺好多嘢唔似預期，好似高估咗」。
樓主透露，當想到身處異國他鄉只剩自己一人，妻兒遠在香港時，「嗰種無力感完全出晒嚟。」他坦言，過往除了母親離世外基本不流淚，如今卻大受打擊，自嘲：「高估自己，原來只係白痴低能，垃圾一個。」
面對種種未知的考驗，樓主陷入無盡的焦慮與抑鬱，心痛直言：「個心由內心震出嚟，抑鬱咁。原來老婆喺身邊係咁重要，冇咗佢真係攪（搞）唔掂，仲有排好多未知嘅事要面對，點樣強大？」身為成年男子的他，更自嘲竟還需要遠在香港的妻子隔空安慰，「傾完電話好啲，但無（過幾）耐，10分鐘又喊過，點解我真係可以咁癈（廢）？」
除了適應問題，經濟壓力也是沉重的枷鎖。樓主坦承自己「可能太守財奴」，放棄了香港原有的工作，然而「依家番（返）去已搵唔番（返）個人工，唔上唔落咁。」夜深人靜時，他甚至不敢翻看手機裏的相片，徹夜難眠，不斷反問自己：「我……究竟有冇做錯決定？會唔會累埋屋企？攪（搞）到要同家人分開異地。」
帖文曝光後隨即引來大批網民熱烈討論。有網民毫不客氣地直指樓主心理素質欠佳，高估了自身的適應力：「你一開始對移民嘅想像太美好，有時個人性格唔適合冒險，就唔好勉強自己去冒險，咁只會好大壓力」、「有咩驅使你掉（丟）低老婆個仔同份工都要過嚟呢？你做依（呢）個決定之前唔係已經深思熟慮諗清楚？」
亦有網民勸他及早面對現實：「好少係個阿爸過嚟先… 你仲要諗第一日就買車，搵工，香港都未必得…調節咗期望先。如果定一個期限，都係適應唔到，就回流啦，冇對錯。」
更有過路人以切身經歷告誡，指出在英生活並非想像般美好：「我成日叫人唔好移民，香港搵到錢一定留港。我眼見身邊唔少人以前搵到錢，喺香港嬴（贏）開，嚟到英國好後悔。 我開頭都有後悔，不過慣咗，搵到工會好啲，我有around三年英國經驗，sent咗十封CV都無回音。」
收藏
取消收藏
分享
