【點新聞報道】由伍詠薇、李凱賢（Brian）主持HOY《九運會客室2》在網上點擊極高，新一集邀得胡定欣擔任嘉賓，大談當年榮登視后的心路歷程。
胡定欣坦言2015年首奪視后時從未想過獲獎：「因為套戲好爆，但係我拍呢套戲嘅時候，係我人生最最冇信心嘅狀態完成。咁我嘅對手田蕊妮係一個好好嘅演員，佢做得好好。」伍詠薇大讚胡定欣自我要求甚高，胡定欣表示拍攝時感到緊張，認為自己不會將角色演得好：「得到咗呢個獎，我當然好多謝公司畀我機會，但係我唔認同我自己嘅能力同個獎係有關係。」直至2016年憑《城寨英雄》再奪視后，胡定欣初嘗肯定滋味：「係個角色改變我，我冇試過演一個咁樣嘅角色，呢個角色放下身段冇曬矜持。」
節目同時訪問了寶珮如撞車後獲袁潔儀救濟，患難見真情。寶珮如回憶撞車一刻時哭成淚人：「撞車我傷咗好多骨，面骨、牙骨、鼻骨、盆骨。其實醫生話我好彩。盆骨喺撞車一下撞咗出嚟，之後衝擊力又撞返入去，如果撞唔返呢個位，可能坐輪椅。」她表示現時面部多處有「螺絲」鞏固。好友袁潔儀時隔多年仍眼濕濕：「出事我去醫院睇佢，見到佢個樣，我忍唔住同佢講『Baby，我有啲急尿，我去一去廁所先。』其實去廁所喊，喊完扮冇事出去安慰佢。當時佢真係好嚴重，我哋靠樣搵食，都唔知佢未來點算！」伍詠薇亦聞言落淚。
寶珮如自認貪靚，為矯形進行多次手術，面部手術更長達3年，當年每隔數月需進行手術，加上醫療費用高昂，要向好友借錢度日：「袁潔儀真係好好，我都係啱啱先知，原來當年佢畀亞視炒咗，但佢都用錢支持我！」袁潔儀表示當年事業愛情兩失意，但靠好友堅毅性格捱過難關。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
