【點新聞報道】藝人張致恒（Steven）近年頻傳財困，自爆欠債高達100萬港元，其債主眾多，包括圈內外好友、同行以及善心人士。藝人林盛斌（阿Bob）昨日（29 日）出席活動時，向傳媒透露Steven在過去5年來多次以小朋友為藉口向他借錢，而且從未還款，更苦笑自認「戇居」。
阿Bob沒透露借出的金額，表示不會刻意去追，「佢講到好陰功，連阿Sa（蔡卓妍）都當係俾小朋友利是，我都一樣感覺，始終養幾個唔容易，我自己都知。再加上佢又未有好大的收入，真係有啲擔心。但你借咗會還都叫上等人、君子；一次、兩次、三次，第四次我覺得要停。」
他透露，因為Steven每次都承諾會還錢，自己選擇信任才多次借錢，「我都覺得自己戇居！但係真心當佢係一個朋友先咁做。」而讓阿Bob最無奈的是，Steven早排還試圖私下聯絡他再度借錢「我就覺得唔好再咁喇」。
他期望Steven努力賺錢還債，「你唔使找我條數住，你找咗畀其他人先啦！我都預咗冇㗎啦。不過如果佢還嘅話。我會好高興、好樂意嘅！希望收得返啦！」
（本文為作者觀點，不代表本媒體立場）
收藏
取消收藏
分享
