【點新聞報道】日前，有市民行經街頭時，目擊一處方形井蓋時不時向上抬升並劇烈震動，隨即拍下影片上載至社交平台Threads，並發文求問網民，「發生咩事先可以飛得咁高？」
目擊者上載的影片顯示，該方形井蓋不時被井蓋下方的力量頂起，並伴隨明顯震動，疑似有強烈氣體或不明物體正由下向上衝擊。樓主在帖文中補充：「啲斯斯（嘶嘶）縮縮聲係連埋個蓋一齊出聲，下面唔知搞乜。」此外，樓主經過該處時更發現異樣，「同時有啲粒狀定唔知咩嘢跟住度氣噴出嚟，啲人彈開晒，懷疑係屎。」
影片發布後引發網上熱議，大批網民指出此情況極具危險性，紛紛勸告樓主及途人若遇到此情況應立刻避開，「真心建議行開，呢嚿嘢極重，可以咁樣谷得起啲壓力一定唔少嘢」、「無錯！你唔知係咪因為水漲，定係因為沼氣而出現咁嘅情況！如果後者嘅話，隨時可以爆炸！」、「之前有個人試過俾飛起嘅渠蓋撞死咗，下次見到呢啲情況，最好盡快離開。如果唔係，會成為你人生拍嘅最後一條片」、「呢d渠蓋1個人都攞唔起，除咗沼氣真係冇咩其他氣可以谷起佢。」有網民指出，該井蓋屬於污水系統，「圓清方污，污水井嚟，睇嚟啲屎氣都幾谷。」
（影片來源：Threads）
（本文為作者觀點，不代表本媒體立場）
收藏
取消收藏
分享
