【點新聞報道】不少香港家庭為了子女的教育發展而選擇移民英國。近日，一名移英港妻在社交平台Threads上發文，表示聽聞當地學校霸凌情況嚴重，便向其他移英港人家長發問：「各位香港人家長，你嘅仔女有冇被同學欺凌過，點樣處理？」帖文隨即引發熱烈討論。
不少移英港人家長紛紛分享子女在當地遭遇欺凌的經歷。有家長無奈表示，「英國bully其實係曳，可以係有咁曳得咁曳，再加上小朋友根本知道『法律』奈佢唔何，所以咪變本加厲。同埋家長亦認為係成長一部分，所以咪咁。頂唔順嘅，番（返）香港吧」、「結果轉校，心理治療。」亦有家長分析指出，「我覺得只係bully形式唔同，香港大部分嘅形式係玩孤立嘲笑、粗口多，外國好多都直接出手」。
此外，亦有港人學生以親身經歷告誡，指望校方處理往往難以奏效。有過來人透露，「作為一個香港嚟嘅小朋友，同老師講係冇用，真係要stand up for yourself」、「哈囉，本人試過。我試過同訓導主任講，之後佢會叫我寫張report去描述你詳細發生嘅事情。不過當然冇用啦，佢哋只會叫個班學生嚟警告兩句，跟住佢哋之後會繼續當冇事發生。或者你可以同你啲friend講，叫佢哋口頭警告佢哋，不過佢哋都係一樣會當冇事發生。其實最好嘅解決辦法就係忍，我會選擇錄低晒佢哋啲證據，至少有證有據」。
針對當地校園的欺凌風氣，有移英港人則直言當地的文化是「呢度d鬼睇人恰（蝦）」和「取易不取難」，他直言：「我做gym，見到我做到最重，前後個樣都唔同。呢度中學生放學去做gym，仲大力過好多香港或中國嘅男人。小朋友好輸蝕，但唔好怕事，佢哋取易不取難，你就算係隻慈（芝）娃娃，只要夠惡就令好多人卻腳（步）。」
（本文為作者觀點，不代表本媒體立場）
收藏
取消收藏
分享
