【點新聞報道】近日，社交平台瘋傳一段17秒影片，顯示港鐵上一名阿婆以半身緊貼兼左手「環抱」整條扶手柱講電話，導致周遭乘客無法使用。站在一旁的港女見狀一招「反制」，她持續撐開手、觸碰對方以作抵抗，最終成功逼退阿婆。
港女上傳影片至Threads，並質問：「乜啲扶手真係咁好攬咩？」從上傳影片中可見，事發於車廂近車門處正中心的扶手柱。一名阿婆用左手緊抱扶手柱，半邊身體貼實柱身，期間不斷講着電話。站在阿婆旁邊的樓主，見狀便伸手握住貼近對方肩膀處的扶手位置。然而，阿婆並未有理會被手觸碰，樓主隨即打開手掌抵住阿婆手臂並持續向下移動。阿婆雖曾惡狠狠瞪了樓主一眼，但依然繼續環抱扶手柱。隨後，樓主轉動手腕並持續用手背觸碰阿婆的手臂，最終阿婆難敵樓主持續反制，急步離去。
影片掀起網上熱議，不少網民痛批阿婆行為離譜：「以為佢想攞碌柱返屋企」、「睥住人完全唔覺得自己有錯」、「你就好啦，有樹熊可以睇」、「我都中過好多次，呢啲人真係得人憎」。
對於港女機智的處理方式，網民紛紛大讚：「佢都已經好頑強，好彩你都唔弱」、「欣賞妳嘅勇敢，當妳神咁拜！」、「中間幾下張開手，轉手腕真係有料，好正！」
不過，亦有網民建議下次可先直接口頭勸喻，以免引發不必要的爭執。
（本文為作者觀點，不代表本媒體立場）
收藏
取消收藏
分享
