【點新聞報道】近日，一名移英港男在社交平台大吐苦水，指自己在當地一間「世界級銀行」，僅僅是將一筆定存轉至妻子戶口，竟被銀行當作可疑交易作深入調查。豈料銀行更直接「落閘」，將終止向他們夫婦二人提供服務，令他深感無奈。
該名移英港男在Threads發文大呻，表示自己原本有一筆金額不大的定期存款，存放於該銀行已有一年。他將該筆款項轉賬至妻子於同一間銀行名下的戶口，打算繼續做定期，未料此舉「竟然會被懷疑有問題，要調查」。
在調查期間該銀行竟通知樓主，將不再為他們夫婦二人提供服務，「會閂曬我哋喺佢銀行唔同地方嘅存款戶口同信用卡」。最終僅留下那個正在被調查的戶口，令樓主不禁嘲諷道：「夠曬諷刺！佢要查我無問題，但未查完就一個月內閂戶口先PK。」
最後，樓主需要重新在英開設一個backup current account及申請多張信用卡。更折騰的是，他還要重新激活那些早已在港「冬眠」的多個銀行戶口，他無奈感嘆：「結果要搞一大輪」。
帖文一出，隨即引發大批同路人共鳴，紛紛留言鬧爆英國銀行的處事作風，「英國就係有呢啲咁嘅xx嘢，大茶飯唔去打擊，專搞x啲小市民」、「我都有用嗰間嘢，我老婆幾年前都俾佢取消，玩到去銀行公會金管局都冇用，佢真係x街，但唔用佢又真係好唔方便尤其英國香港有戶口」。
有網民則表示，「其實查得=99.99%叫你快走」、「AML守行為期限過咗好耐，已經鬆咗好多，Global standards 都改咗唔少，但system 都仲係好易flag。大機會係你個account value低過operation cost乘機exit account，見慣啦」、「呢度啲（銀）行廿年前已經係咁，唔係而家」。
此外，更有不少同路人表示有類似經歷，「我都係類似 ，藍色鷹銀行，仲要3個月後取消戶口」、「Barclays一樣咁西，天下烏鴉一樣黑」、「大貓係咁，純粹搵藉口唔想做你生意」、「你都好啲，我自己戶口轉自己名戶口都唔得，要打去搞一大輪，要救命真係死」、「有一個月通知已經好好，我嗰個俾safeguard team盤問完後只敢做定期，最後無理由下就俾關戶口⋯最pk唔會教你點攞返錢，聯絡邊個，就咁hold住你筆錢。原本心大心細HK keep唔keep premier，好衰唔衰去兩次分行都遇到有人被凍結戶口嚟問點解決。最後都係決定轉錢走」。
收藏
取消收藏
分享
