【點新聞報道】相隔十四年，鄧麗欣（Stephy）終於帶來全新專輯《Tathātā》。這次她放下以往既定形象，換上冷艷而神秘的「暗黑女王」造型。
Stephy笑說，自己每次做一件事，彷彿都要隔一段長時間才再發生：「上次開Show隔咗十幾年，今次正式出碟，一樣隔咗十幾年。」她特意選在生日這個快樂日子推出新作，專輯名稱也充滿巧思。她解釋：「《Tathātā》係梵文，大家通常會問點讀、點解。Tathata嘅意思係『一如』。今次想講嘅，係過去、現在、未來三個時空嘅自己；三個時間點、三款造型、三個場景，組合成我哋想表達嘅概念。」
在眾多造型中，Stephy最喜歡「暗黑女王」：「我比較少見自己着到咁深色，好有型，但平時好難做到，除非工作同襯好多嘢。呢個造型好Cool，又代表『未來』——未來到底會點？會唔會就係好似依家？所以我覺得呢個暗黑女王幾有趣。我尤其鍾意個波波領，影咗好多大頭相，好得意，畫面感好強。」
熱愛畫畫的Stephy，亦把個人畫作悄悄放進專輯：「未決定出碟之前，我已經有呢個構思，想將自己嘅畫同自己嘅樣疊埋一齊。原本想參與多啲，但時間唔夠，最後只做咗一部分。」她坦言：「好難三言兩語講清楚我內心、或者想表達嘅嘢，希望樂迷透過專輯嘅歌、相、造型同設計去感受。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
