【點新聞報道】英國的治安水平實在令人不敢恭維，日前有移英港人在網上發文，大吐苦水指自己在英國生活期間，單車零件屢次被偷竊，奈直言在當地騎單車「只要車上冇螺絲上緊嘅，一律都可以被偷」。帖文隨即引來大批同路人留言圍爐，紛紛分享自己「被偷車」的慘痛經歷，更有人直擊市中心出現「鎖住單車轆、車身被拆光」的荒謬景象。
該名移英港人先前曾多次分享過關於英國治安與偷竊現象的看法，包括對當地執法力度不足的無奈。他日前又在社交平台threads發文，無奈地表示：「我又俾人偷嘢啦！」，直言自從移英第一年起，就深深明白到在當地使用單車的話，「只要車上冇螺絲上緊嘅，一律都可以被偷。」
樓主透露，當日又被偷走單車上的配件，最終只能長嘆一聲，「因為已經唔係第一次，喺英國住咁耐，呢啲已經變咗日常」，更發起猜謎「大家有興趣可以估吓係乜」。樓主坦言「我已經唔識嬲，只係覺得呢度做賊嘅，都符合『蠢人』定義：損人不利己」，直指「人蠢，成世都唔會過得順。個天用最少70年時間懲罰佢，我滿意了。」
帖文一出，隨即引發不少移英港人的共鳴。紛紛留言分享自己「被偷車」的慘痛經歷，「早十年我已經要用兩把鎖先穩陣，其中一把係D-lock。試過啲碼錶唔記得拎走，照被偷；有一次經典到尾架同碼錶同時被拆走晒而不留痕跡，個賊拎晒六角匙有備而來。」、「初初嚟嗰時乜都唔識，踩單車去Tesco買餅，諗住買咗單車鎖應該安全，點知過咗5分鐘唔夠，出到嚟車上面啲 gears全部冇晒，之後冇再踩過單車。」
此外，有網民分享在市中心目擊的奇觀，「我今日喺市中心，見到有架單車得翻個轆套住單車鎖。我都諗緊係咪成架單車比人偷咗，得翻個轆。」
（本文為作者觀點，不代表本媒體立場）
收藏
取消收藏
分享
