【點新聞報道】餐廳菜名千變萬化，有時奇特的菜名會讓人摸不着頭腦。近日，有任職地盤工作的市民趁午飯時間覓食時，遇見一間餐廳的菜單上竟出現名為「深奧炒飯」的菜品。由於菜名特別，該名市民不禁影下相片並分享在網上求教。
該市民於Threads上傳了一張餐廳餐單相片，並發文求問：「今日有冇食1號『深奧炒飯』嘅地盤之友？影出嚟睇吓有幾深奧」，字裏行間充滿好奇。
帖文一出，隨即引來網上熱議。不少網民紛紛留言調侃，「全部字都識，等（掟）埋一齊就唔識」、「影埋俾你睇你都未必知係乜，唔係點叫深奧……」、「食完會令人思考人生」。
有網民解釋，「即係廚餘炒飯，有乜嘢頭頭尾尾，全部切碎晒用來炒飯，明唔明呀」、「即係用料非常深奧，日日不同，廚房有啲咩食淨嘅就炒俾你嘅廚餘炒飯」。
此外，另有網民則表示此為商家的銷售手段，「你識條鐵咩！係個名度加上地域即刻升嘛！好似星洲炒米，福建炒飯，揚州炒飯，瑞士雞翼咁，深奧炒飯係香港地域，深水埗加奧運，即刻升晒呢啦！最少搞到你去問去了解，你問嗰刻，佢已經贏咗啦！」
而後，事主現身於評論區留言表示，有師兄前一日已挑戰過同系列的「深奧忘不了粉」，該名師兄食完後形容，該碟粉「係廚餘炒粉啲friend」。由此推測，這碟引發無限聯想的「深奧炒飯」的真面目，應是運用廚房每日不同剩餘食材炒成的「廚餘炒飯」。
（本文為作者觀點，不代表本媒體立場）
收藏
取消收藏
分享
