【點新聞報道】近日，有市民在社交平台發文大吐苦水，指周末期間其住所樓下的室外運動場有人打匹克球（pickle ball），擊球時發出的響聲極度擾民，嚴重影響作息與日常生活。
該名市民上傳影片至Threads，並發文怒轟：「pickle ball呢啲垃圾運動幾時先滅絕？」事主大呻，其住所樓下的球場平時常有人踢足球、打羽毛球，亦不時有小學生上體育課，「但真係冇一樣會好似pickle ball咁，令人咁煩躁」。事主透露，周日慘被樓下打匹克球的聲音吵醒，直指自己即使家住三十幾樓，仍能將擊球聲聽得一清二楚。
事主形容，匹克球的擊球聲穿透力極強，「而且咚得嚟仲毫無節奏感」，令人「想做嘢就嘈到專心唔到」，事主無奈表示：「同平時啲巴士、雀仔聲、有人講嘢嘅white noise完全唔同，煩到xx，每一下都好似咚入你隻耳仔咁」。
從事主上傳的影片中可見，樓下室外運動場地有一男一女正在對打匹克球，確實傳出陣陣清晰且響亮的「咚咚」聲。
最後，事主無奈呼籲打波人士應顧及街坊感受：「周圍都係民居，有少少公德心就去室內場，先玩呢啲噪音運動啦，唔該」。
帖文一出，隨即掀起網上熱議。不少網民留言表示自己亦是同類噪音的受害者，直指「上次喺個商場餐廳食飯，出面有個場俾人打pickle ball，一路食一路啪啪啪啪聲真係令人好煩躁」、「我樓下有3個室外場，每天都有人教班」、「試過經過一場pickle ball比賽，真係嘈到嘔」，更有網民指出無綫節目《東張西望》早前亦曾接獲相關投訴。
此外，有網民提議：「應該要立法禁止pickle ball喺戶外玩，要玩一定要室內場」，亦有玩家同意此項運動不適合在室外玩，「我自己有玩開pickle ball，只係打室內場。好認同樓主所講，香港嘅密度真係唔啱喺室外打，回音大到xx⋯⋯大家如果想試啲喺室外玩嘅新興運動嘅話，不如都搵啲靜少少嘅嚟玩。你想玩啫，人哋都想靜。」
收藏
取消收藏
分享
