【點新聞報道】不少港人遠赴英國後，往往只能從事底層勞工或倉務工作，遇工傷後，更遭不公對待，落得身心俱疲、滿腹怨氣。近日，有移英港人在網上發文，控訴自己在英國工作期間受傷，隨即遭到公司管理層及 Safety Manager（安全經理）如「審犯」般嚴刑逼供，甚至篡改會議紀錄老屈，令樓主直呼「對英國好失望，覺得好痴線」！
該名移英港人在fb專頁「英國香港人工作支援群組 」發文指出，自己在工作時受傷致神經受壓、臀部劇痛，豈料卻遭公司管理層審訊式盤問，「今日見大粒manager佢不停問我問題，係好似上庭俾人質疑咁feel，仲有個safety manager坐咗喺隔離，淨係負責打字」。
樓主表示，會議中大粒經理不斷藉由 CCTV 畫面，老屈他腰部本身有舊患，無視樓主多次澄清，「個Manager不停老屈我條腰係不嬲都有事，話睇CCTV睇到我之前有㩒住條腰，勁痴線喎，返工唔俾人腰攰嘅，唔俾人得聞無時叉係條腰或叉褲袋嘅，都講左好多次我依家係nerve整到右邊屎忽痛，關L我條腰咩事，我一直冇話過我腰好痛喎。有時又老屈話我跟本冇事。」
而同場的「安全經理」並非保障員工，而是擔任「斷章取義專員」，在整理紀錄時將事主的合理解釋通通刪去，只刻意放大「errr, ar…」等語氣詞，「佢打transcript 打到完全老屈咁feel，我澄清嘅嘢佢全部都唔打，佢會打『S問：我睇CCTV你喺之前已經有㩒住條腰。我：係呀，我成日都㩒住邊腰㗎。』成個Transcript 大把字都cut晒，但就好細緻咁突出我某啲嘅errr, ar…」，最後更逼迫樓主即時簽名。
樓主覺得極度不公與屈辱，「其實初初諗住是9旦，但覺得好唔開心，成段嘢寫到我好白痴，9唔搭8咁，明明我係解釋得好有力。」事主痛斥：「原來Safety Manager唔係要員工Safe，係要公司Safe，勁變態！」
帖文一出，隨即引發大批網民熱議，不少移英港人紛紛留言大揭英國職場的黑暗面，「係將錯就錯，錯完又唔改，改完又錯，英國人最叻得把口當秘笈，永遠唔諗方法去解決，英國人（死懶鬼）」、「英國人不嬲都寬已嚴人啦！仲有做倉嘅唔好諗住係貨倉，其實入到去同監倉無異，無理kpi東歐人唔達標無所謂香港人唔達標就簽警告信，有啲經理專針對香港人普遍射波兩次即炒，有啲倉仲限住你去廁所次數同時間」、「英國人blaming culture 超勁，已見識得多」、「唔理你幾有道理，一味怪你排斥你，解決唔到問題，就只會解決提出問題嘅人」。
有網民則教路自保，建議事主「住耐咗就唔好對英國有期望」，提醒切勿隨便簽名，並應向 NHS（國民保健署）填寫工傷表格或向 ACAS（英國諮詢、調解和仲裁服務機構）投訴反擊。
收藏
取消收藏
分享
