【點新聞報道】近日網上瘋傳一段影片，一名大叔在港鐵東鐵綫車廂的車門前「紮馬耍功夫」，目擊者笑爆指：「阿叔食過夜粥！」，旋即引起網民熱議。
有網民在社交平台fb專頁「車cam L（香港群組）」上載影片，寫道：「東鐵綫阿叔食過夜粥，少林功夫醒（好好耶），少林功夫勁（係好勁）......！」。片段中所見，一位「全身黑」裝束的大叔，在行駛中的東鐵綫列車車廂內，直接站在車門前紮穩馬步，非常專注地反覆出拳及收拳，耍完一套拳後，再次紮馬重複整套動作，最後更在車廂內做出伸展和拉筋的動作。
而最令網民佩服的，反而是站在大叔身旁、全程「當佢透明」繼續低頭玩手機的男乘客，被封為「最高境界的淡定哥」。
影片曝光後，大批網民發揮幽默本色，將車廂當成武林大會，「而家搭港鐵真係多姿多采，又有嘈交打交，又有功夫雜耍，好過入馬戲團睇！」、「冇返咁上下身手，點學人搭東鐵呀？隨時要 MMA（綜合格鬥）。」、「埋站擢嗰下才可見真章！挑戰牛頓第一定律。」、「一係食咗藥，一係未食藥，一係食錯藥。」
有網民笑指大叔善用時間，「好多人返工要坐個幾鐘頭車，與其 onXX 玩電話做無營養嘅嘢，倒不如做吓運動，只要唔影響到人，又有咩問題呢？」、「大叔都係爭取時間養生、活動吓筋骨啫！」、「身心健康，好過喺車廂同人開火打架啦。」
另有網民批評大叔行為自私，「想做運動最好返屋企或去公園」、「喺車門附近打功夫，列車搖晃或者有人上落車時，好容易會撞到人。通常啲老人家一被撞到，隨時又會變打大交」、「出拳幅度咁大，阻住通道之餘，萬一打到人就真係得不償失。」
（本文為作者觀點，不代表本媒體立場）
收藏
取消收藏
分享
