【點新聞報道】網上流傳一段驚險車Cam片段，顯示一輛的士駛經灣仔堅尼地道途中，行人路上有一名女途人突然仆出馬路，幸司機及時扭軚閃避，相當驚險。不少網民紛紛留言大讚司機反應快，「師兄呢段片真係可以做教材」。
事發於昨日（8日）早上時分，現場為港島灣仔堅尼地道的灣仔分科診所對開。影片可見左方一名女途人向下坡方向行走，在靠近行人路上一棵樹時，懷疑自己「左腳撠右腳」失去平衡，整個人突然向前仆出馬路。當時正好有一輛的士駛至，幸好的士司機反應敏捷，及時向右扭軚閃避，隨後再迅速扭左維持在原本車線。影片不久後結束，未知女子情況如何。
的士司機事後將車Cam影片分享至社交平台，並慶幸留言：「好彩遇着我」。片段曝光後，大批網民大讚司機警覺性十足，「神級反應」、「師兄呢段片真係可以做教材」、「司機真係功德無量！佢拯救咗兩個家庭，如果換着第二個睇緊電話嘅真係一條人命」、「呢吓扭軚真係神級，反應快之餘，最勁係佢即刻修正返，冇衝去對面線或者隔離線，技術同心理質素都係頂級。」
有網民形容女途人「世紀一仆」，「條女真係要買份大禮去黃大仙還神，同埋搵返呢個司機請佢食飯，真係再生父母」、「佢跌出嚟個姿勢好似奧運跳水咁，完全冇減速直接向前衝，好彩架的士避得開，如果唔係變咗人肉保齡球」、「呢個故事話畀大家聽，車Cam真係唔好慳！如果冇車Cam，撞到人分分鐘要坐監，到時真係水洗都唔清。」
（本文為作者觀點，不代表本媒體立場）
收藏
取消收藏
分享
