【點新聞報道】近日，一名港男在社交平台分享一段令人毛骨悚然的經歷。他表示在工作期間收到客人派發的利是，打開後竟發現裏面裝着的不是紙幣，而是一道「符」。事主大受驚嚇之餘，更透露自此便開始連環「行衰運」，無奈之下唯有發文向網民求助。
該名港男在Threads發文，直言：「呢單嘢真係好x癲，我想知道我應該點樣處理會好啲」。當日早上事主上班時收到客人給的一封利是，收工後拆開一看，驚見利是封內放有一道符。此事令他嚇了一跳，「跟住就有啲驚，掂都唔敢掂」。隨後確認了符內沒有夾雜頭髮，事主這才稍微鬆一口氣。
然而，事主透露自從收下該封利是後，「晏晝開始keep住都好黑仔」。令他不知如何是好，遂向廣大網民求教：「我想知道應該要點樣處理會比較好，我諗應該冇理由真係直接掟咗佢啩？」
帖文曝光後，引來大批網民熱烈討論。有網民告誡事主不要亂收他人物品，「呢啲符唔好亂收，唔知佢求番嚟係祈求過乜，分分鐘害埋自己」、「有啲人將衰運傳俾人」。
部分網民猜測此事極可能是客人大擺烏龍，表示：「會唔會其實呢封嘢對個客係重要，但係佢唔小心俾錯你呢？」、「好大機會係佢自己（嘅），但俾錯咗你，老一輩d人係將呢d吉祥物擺利是封，如果佢本身以為俾咗真錢你，但實際佢俾咗自己護身符你，佢一定唔會知，根本佢唔會打返開護身符睇，不如你當好心問一聲個客？」
至於到底該如何處理此事，有不少網民提出「宗教化解法」，直言：「夾多廿蚊落去，將利是放去關帝廟個香油箱度，等關二哥會一會佢」、「拎去廟搵人化」。有網民則建議事主禮貌地向客人查詢是否給錯，或以「自己信奉其他宗教」為由婉拒並退回。
此外，亦有「百無禁忌」的網民建議事主平常心對待，「咪當佢一個利是加張紙囉，掉（丟）咗咪算囉」、「搵唔搵到個客，相信（佢）俾錯？我試過新年流流收到利是入面係吉嘅，我隨手掉（丟）咗啦。」
收藏
取消收藏
分享
