【點新聞報道】移民熱潮不再，甚至出現縮沙潮！英國政府早前公布BNO簽證相關數據，至今已批出約23萬個簽證，但實際真正移居英國的卻只有17萬人。日前有移民英國的港男發文提出疑問：「剩返嗰6萬，咩事呢？」隨即引發大批網民熱議。
該名移英港男在社交平台threads發文提出疑問：「BNO簽證共獲批23萬人，但真正移居英國的只有17萬，那剩下來的6萬人，到底發生了什麼事？」樓主更分享身邊朋友的經歷，申請了BNO簽證後，因未有在半年內入境英國，導致簽證直接失效，「我認識一個friend就係咁，出咗Visa半年內唔入境英國，就冇得入(當然旅遊就可以)，如果之後再去，要再申請以visa入境，interview 嗰陣答得唔好，個visa被取消咗」。
帖文一出，隨即引發大批網民熱議，不少人直指這6萬人不過是「買個安心」，甚至留言嘲諷「送錢給英國內政部，報效大英祖國」、「幾皮嘢買個保險，一定要去㗎咩？」、「申請咗先發現未係Timing」。
有網民分析指出，許多人「臨門撻Q」是因為現實考量，「過到去，驚搵唔返香港宜家嘅高薪厚職。變做二等公民，又驚治安問題，諗諗吓咪縮沙囉……」、「嗰六萬人移民意志唔夠堅定，因為就算去到英國，生活都唔容易嘅，而且佢哋需要適應新嘅環境，較重嘅稅務，較冷嘅天氣，同埋可能會有機會需要住滿十年先至攞到BC嘅情形」。
有網民就以親身經歷打破移英幻想，透露自己本身擁有英國公民身份，小時候在英國住了十幾二十年，後來返回香港發展，直指英國唔好住，「我係BC，細個住咗英國10幾廿年，返咗嚟香港，你叫我，我都唔再去，講真，唔好住，你想攞個國籍，有目的你點都硬催眠自己」。
面對移民英國後的種種不便與生活落差，有網民大讚留在香港的人才是「醒目，英國只會浪費時間」，更有網民一針見血形容：「擺完護照個個雞咁腳走啦」。
收藏
取消收藏
分享
