【點新聞報道】方東昇、黃曉瑩及李嘉嘉主持的《醫生，你有病？》今晚（6日）播出第二集，主角為港大醫學院院長、風濕科專科醫生劉澤星。採訪期間，團隊原擬到運動場拍攝劉澤星跑步，其後接獲緊急通知，劉澤星因腳趾嚴重外翻及脫臼需入院，採訪地點由運動場改為醫院，主題由「陪醫生跑步」變為「陪醫生做手術」。
劉澤星跑馬拉松廿多年，幾年前曾因心律嚴重不正要入院，他憶述：「心電圖好肉酸，望落好似就快死咁。」兩年後備戰馬拉松期間，練跑時突然失去意識跌倒，導致面骨多處斷裂及縫多針。他展示當年圖片稱：「因為我一跌落地下，呢度有幾個地方裂咗，裏面流血，喺鼻哥度噴好多血出嚟。」住院期間他仍有心情研究自己的X光片，其後繼續挑戰馬拉松及健身。
劉澤星左腳拇趾嚴重外翻兼腳趾脫臼，困擾六、七年，他以「拖字訣」應對，如常上班、跑步及參與Hyrox。他笑言：「跑步是『RUNNING』，我依家係RUN剔走咗個『R』，UN吓UN吓，我覺得都幾好呀，咪UN吓UN吓咯。」團隊笑稱他為「Unning Man」。
劉澤星等候做手術期間仍談笑風生，並因自身患病體會病人之苦：「類風濕病人的手腳及膝蓋，我沒關節炎是無法感受的，現在能感受了，但只感受部分，我兩隻腳趾都如此辛苦，他們十隻腳趾一定很辛苦。」進入手術室前兩小時，他仍把握時間「Work from Hospital」，最關心何時能復工及坐飛機外出公幹。
術後他再次接受訪問，表示被敲斷四條腳趾骨後一度痛到嘔吐大作，並反思：「我覺得作為醫生，耐唔耐病吓，企番喺病人嗰邊感受一下，都係一件好事。」他又稱：「醫生一句嘢影響好大，頭先覆診醫生話：『你隻腳消腫得好快』，我就覺得好開心。平時我未必覺得我講呢句嘢對病人有咩影響，但原來病人聽咗醫生好簡單嘅一啲說話，都可以記喺心。」劉澤星自嘲愛「拖延」兼害怕「面對病情」，節目尾聲公開呼籲：「有病，企硬，唔好拖！」
（點新聞特約記者陳惠芳報道）
收藏
取消收藏
分享
