【點新聞報道】TVB娛樂訪談節目《一周星星》今晚（4日）一集請來「短髮女神」梁詠琪（Gigi）擔任嘉賓。節目中，她除了宣傳11月舉行的紅館騷《梁詠琪LOVE GiGi愛自己世界巡迴演唱會—香港站》，亦大談入行多年難忘事及結婚生女後的心路歷程。
節目重溫Gigi初出道時的首次電視畫面演出，包括《黎明音樂特輯之北京的黎明》（1994年）及《梁詠琪音樂特輯之加州琪遇記》（1998年）。談到當年演出，Gigi自覺表現自然：「我嗰陣時冇學戲，我覺得我嗰陣時吸引人嘅地方，係一個素人嘅演出，做得好單純好純粹，嗰樣嘢我哋可能已經重拾唔返。」她更笑言：「我上一世做咗啲咩好事，可以同黎明拍音樂特輯。」
電影方面，Gigi初出道時於1995年連續演出三部作品，包括《流氓醫生》、《百變星君》及《烈火戰車》，其中與「天王」劉德華（華哥）多次合作。節目重溫華哥在《梁詠琪：高妹G夜》對Gigi講過的一番說話，Gigi憶述：「佢真係好好，首先佢唔嫌太高。我初入行時候，有導演或者演員見到我『嘩，Gigi你太高』，我細個覺得高度並唔完全係一個優點，都有缺點。但我冇諗過入咗行真係一個缺點。」
節目亦請來同期出道的「天后」陳慧琳（Kelly）、楊千嬅，以及伯樂陳少琪隔空分享趣事及爆料。千嬅記得有一年做巡迴演唱會，Gigi工作完後過來看演唱會，令她非常感動。Gigi回應：「我覺得我哋都會經歷過喺風口浪尖嘅時候，我覺得最實際就係一種支持，呢啲舉動看似好細微，但係其實我哋知道每個人經歷咗啲乜嘢，係需要一啲支持嘅。」
Gigi又罕談與老公Sergio初相識經過。她表示只相識對方兩日即認定，憶述當下感覺：「好似係呢個人喎！」、「呢個男仔好真」、「對佢印象幾好」，最後還叫好姐妹許茹芸幫眼。講到婚後生活，Gigi表示Sergio令她改變許多，對方積極正能量的態度，令她內心想法因而改變。
（點新聞特約記者陳惠芳報道）
收藏
取消收藏
分享
