【點新聞報道】一則在社交平台上發布的帖文，近日引發香港網民對移民的討論。發帖者為一名22歲、中五畢業、從事餐飲業的年輕人，他在帖文中坦言自己「無BNO、無學歷、無錢、無屋企人靠」，目前月入約2萬港元，卻一直懷抱移民澳洲或英國的夢想，並詢問網民「係咪已經無機會」。不少網民直言不切實際，認為其無財力、無學歷、無外語優勢，亦無家庭支援，卻對外國生活抱有過度幻想，未認清移民現實殘酷。
該網民在帖文中透露，自己約15歲時已萌生離開香港的念頭，但因年幼未能付諸行動。他修讀過酒店營運及餐飲文憑，從事餐飲業兩年，但英文僅屬一般溝通水平。他寫道：「都知外國生活好困難，唔係幻想咁美好……都知去到要做地底泥，而且都知近排加英澳都收緊政策，所以諗真係要行動了。」他又提到憂慮家庭負擔：「基本上大小事都係我做哂……而家得我媽有返工，18k左右，但佢都56了，老豆67。」
帖文引來大量網民回應，有回流港人表示：「我已經二次回流返香港......外國無想像中咁好！ 我已經好後悔去其他國家啦！」並指外國「難搵工，交通唔方便，又交高稅」。亦有網民直言：「你有冇去過外國生活先？鍾意／幻想同現實係兩回事。同埋冇家底冇金錢，好難喺外國生存到，講到尾邊度有錢邊度咪生活好。」
另有網民則建議先以工作假期（Working Holiday）方式體驗：「學歷嗰啲好閒，年紀係你既本錢，而且你做F&B係優點，易啲搵工……但我就唔建議一嚟就話移民，短暫出去見識下闖下，睇下係咪真係岩你先好決定。因為移民唔係外人睇咁美好，特別係呢個時勢，好多國家都cut哂唔收移民，條路只會更難行。」
有網民則提醒，除非職業專長屬當地緊缺需求，否則移民難免經歷「漫長嘅痛苦日子」——搵工難、開工不足、從事零售飲食倉務等基層工作，且持續時間因人而異。他亦提到，全球經濟不景，當地畢業生也難搵工，外國學歷人士處境更艱難。
收藏
取消收藏
分享
