【點新聞報道】藝人張致恒 (Steven) 及其太太雯雯近年頻傳財困，近日再因疑似借錢錄音流出而成為全城熱話。有網絡博主及債主公開了與他的對話截圖與語音，踢爆他疑似利用套路博同情借錢，但成功借錢後卻態度大變、老奉不還。
博主怒揭張致恒的真面目，指「呢條友」在圈外圈內都差人好多錢，「圈內，阿sa、阿Bob（林盛斌）都有借錢畀佢」，不過大家「唔會搲爛面追數」，「阿Bob講過：『仲等緊對方嘅還錢方案。』」
博主直指一早睇張致恒與雯雯經常在社交平台唱雙簧，不斷利用「窮」、「欠債」、「4個小朋友」以及「自閉症」四大主題作為「套路」不斷刷人氣，來博取大眾與身邊人的同情心，「你哋話佢係『負債KOL』呀嘛，佢就做畀你睇，仲做得好好添。」
對於雯雯每隔一段時間就會貼出黑底白字，內容不外乎「要生要死、離婚、cut電」，博主直指這是張致恒兩夫妻規劃好的計劃，「因為佢一出Story就會有報紙寫，第二日又可以獲得關注！」
博主透露，張致恒不斷在不同的工作地方向身邊的人借錢。有苦主爆料指，他在2022年借了6萬元後至今「一蚊都無還過」，直言：「借之前好契弟，講到同你X都得，借咗之後『你逼我都無用架』。」即使今年接了工作有收入，仍會雙眼通紅、推卸責任說：「屋企好大開支，未有能力還。」
博主並分享了疑似張致恒同債主對話的錄音，顯示疑似張致恒在借錢時語氣極其哀求，曾卑微向債主表示：「我求下你啦！我每個月還一、兩千，起碼我都真係會還啦係咪？我會還㗎，我求下你啦！」當債主事後向他追討時，他的態度變得十分賴皮甚至反客為主，回應稱：「喂大佬，我爭你錢啫，使唔使玩咁大呀？再加上，講咗好多次畀你聽，我冇錢我點還畀你啫？你點樣逼我，點樣催我，我都還唔到出嚟，係咪先？」
而截圖中亦顯示，債主曾極度不滿地回覆：「唔使講，我已經聽過，我最憎講大話。」以及「喂，你爭錢要還錢㗎啦，你冇錢還大晒係咪啊。」
雖然張致恒日前接受訪問時直認負債過百萬，更聲稱曾到財務公司借錢並遭到百般侮辱，試圖建立「慈父、浪子回頭」的形象；但隨着這批「借前借後兩個樣」的錄音證據流出，網絡風向隨即全面逆轉，大批網民怒斥他「憑實力借錢老奉唔還」、「欠債還錢天經地義，點解爭人錢仲可以咁大聲、態度咁囂張？」、「每次一喊離婚或即將斷電，下一步就是去借錢。這個循環看了幾年，劇本早被看穿了。」
收藏
取消收藏
分享
