【點新聞報道】不少港人移民英國後，面對理想與現實的巨大落差，本想在社交平台傾訴苦水、尋求協助，卻往往淪為同路人的「洗版式攻擊」。近日有移英港人於社交平台發帖，抱怨在英國遇到麻煩鄰居，不料隨即引來一眾被稱為「英衛兵」的移民盲目圍攻。帖文隨即引發大批網民熱議，鬧爆一班盲目護航的「英衛兵」行為極致可悲，「淨係識得舐英國人鞋底，連英國人屙屎都係香」。
一名移英港人在社交平台Threads發文吐苦水，指自己近日分享在英國遇到惡鄰居的遭遇，本意是希望舒緩情緒並向有相同經驗的人取經，豈料發文後卻遭大量盲目護航的「英衛兵」留言猛烈圍攻。
樓主無奈表示，每次有移英港人分享生活困難，必定有人衝出來認叻，聲稱自己一家過得極其幸福，「成日見移英港人分享生活遇到問題時，必定有人衝出來認叻話自己無呢D問題成家都過得好幸福」。樓主怒轟這種回應毫無價值，「除了心地唔好之外再諗唔到其他解釋。」
樓主坦言，發文講述英國麻煩鄰居的最大得着是情緒舒緩，「當你覺得點解自己咁倒霉遇着咁嘅事、唔知點樣處理為之最好，聽到同樣有類似問題的人講番他們的經驗係會有幫助」，惟總是被一班盲目盲護的「英衛兵」攪局。
帖文曝光後，旋即引來大批網民熱議，幾乎一面倒鬧爆一班「英衛兵」，「佢哋話呢度無問題，其實係想話返畀佢自己聽，呢度生活唔苦，如果認咗係有問題，就即係過嚟英國呢個決定係錯嘅」、「淨係識得奶英國人鞋底，連英國人屙屎都係香」、「因為唱衰香港係呢班盲反loser唯一心靈寄託」。
更有曾受「英衛兵」討伐的網民分享親身經歷，「我之前俾人喺市中心俾人搶嘢直頭俾班英衛兵話五毛帶風，但其實睇呢啲人講嘢好有趣 。因為真係見識到呢啲人下限可以有幾低」。有網民亦補充，這班人講到最後一律只會叫人返大灣區，「嗰班（英衛兵）有話畀你聽佢個地區冇問題，再講咁多英國唔好叫你返去大灣區㗎喇」。
有網民亦大發長文抒發不滿，指在「英衛兵」眼中所有當地人都是天使，「英國無壞人㗎，講鄰居唔好就引伸一定係唱衰英國」。該網民坦言，自己亦曾因遇到生活難題在fb移英group請教，結果同樣遭到排山倒海的言語攻擊，「入面有部分我懷疑根本就係活得比當事人更苦，但又返唔到轉頭喺度自我麻醉嘅可憐人……真係問得都係想搵方法解決問題，而唔係好似嗰班英衛兵遇到屎都話好食。」
收藏
取消收藏
分享
