【點新聞報道】《葉麗儀×陳潔靈 Timeless Classics 盛世經典演唱會2026》一連六場音樂盛宴，昨日（9月27日）於東九迎來終極壓軸，一日之內連開下午場與晚上場，兩位歌后全天展現驚人體力與功力，晚上由陳奕迅任嘉賓，陳潔靈更言此生無憾矣！
下午場先由Yoyo岑寧兒與Janees黃洛妍擔任嘉賓。陳潔靈介紹Yoyo時表示：「今次特別有傳承嘅感覺，因為喺佢BB嘅時候，我已經識佢，仲抱過佢。佢而家喺一個超卓嘅singer song writer，佢嘅聲音好有治癒能力！」二人合唱《剎那的烏托邦》。其後葉麗儀與Janees黃洛妍合唱《愛是無涯》，最後四人合體唱出《願望就是明天》。
晚上尾場更將全場氣氛推向最高峰。連續作戰的葉麗儀和陳潔靈毫無疲態，來到嘉賓環節，陳潔靈興奮表示：「呢位嘉賓我未同佢合作過，一直都想同佢合作。我喺屋企聽佢唱歌把聲，就覺得能夠同佢合唱就此生無憾。今次係透過特別嘅渠道搵到佢，佢一口答應做嘉賓！」Eason陳奕迅隨即出場，表示自己是Elisa（陳潔靈）的小粉絲，陳潔靈回應：「我係你嘅大粉絲。」二人合唱《只怕不再遇上》和《講男講女》，雖是首次合作，合拍度爆燈。其後葉麗儀上台，Eason看見兩位前輩在面前，興奮地跳躍，更拿出家裏珍藏，包括一隻70年代葉麗儀的黑膠唱片，以及一隻80年代陳潔靈的黑膠唱片，在台上即席向兩位前輩索取簽名。
隨着最後一場最後一個音符落下，演唱會在熱烈掌聲中正式圓滿結束。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
