【點新聞報道】元朗27歲單車女昨日（20日）凌晨疑遭狗隻襲擊死亡，是本港一個月內發生第二宗狗咬人慘劇，事件引起全城關注。事發後，不少居於新界的網民在社交平台發聲，指屯天元一帶野狗問題嚴重。有網民上載影片，提及曾在深夜返屋企路上遇過多隻野狗徘徊，形容：「而家日日返屋企都好驚。」
根據網民上載片段，疑似拍攝於屯赤隧道單車徑往蝴蝶灣方向，該網民駕駛電單車，而前方單車徑及行人路上至少6隻中型犬遊走，有狗隻更一路望住電單車，但沒有上前。該網民又表示：「平時我出力走佢真係會追，反而今次我故作鎮定，雙方都唔清楚大家嘅戰鬥力情況下佢就冇追。」
有同樣經歷的人似乎不在少數。有網民表示，自己今年2月在元朗壆圍南路事發地點附近都有相同遭遇：「有晚由元朗市中心踩單車向上水方向，沿途經過錦田河呢一段單車徑（即係今次個女仔俾人發現嗰度)，喺單車徑中間同埋佢隔籬左手邊條馬路都有起碼五隻以上野狗擋住條路。我行緊大概100米已經開始啤住我，再踩前小小已經開始吠同埋向住我跑。當時唯一可以做係兜個大圈踩馬路。諗返起如果我夾硬踩過去可能我都已經拉咗柴……」
亦有網民表示在日間也曾被狗追逐：「我跑步日光白白都會俾狗追，試過由公庵山跑返出大路，擰轉頭原來有隻狗追緊自己。所以我跑元朗偏僻嘅路都會帶枝伸縮棒，真係會好驚。有啲路唔再跑因為知道有惡狗。」
（點新聞記者蘇鉅祖報道）
（本文為作者觀點，不代表本媒體立場）
收藏
取消收藏
分享
