【點新聞報道】移民生活要融入本地，語言往往是一大難關。日前一名50歲移英中女在社交平台發文，指自己雖然移英已5年，亦通過了B1英文考試，但英文能力依然薄弱，每次開口皆「語無倫次」，無奈發文向網民求教如何能學好英文。
該名移英中女透露，自己擁有中五學歷，惟英文能力奇差，「但係英文真係差到不得了」。她表示，雖然自己已考獲B1考試，但實際應用時卻面臨巨大障礙，「平時一開口講英文，依然係語無倫次，9唔搭8。」樓主無奈表示：「我有Download啲App學，學嗰時係識，亦知道點講，而我聽亦聽得明五成。但係到自己講嘅時候，就一片空白，記唔返。」她感慨，自己由來到英國後開始學習英文至今已有5年，不知是否因為「年紀大」而影響了學習效果。
樓主補充指，自己目前有報讀英文班，但進度並不理想，「好似只可以講單字，普通溝通都未必得，只可以講到一兩句。」她亦曾嘗試通過觀看美劇及英劇來提升水平，惟可能因未能堅持每天收看，最終「都係吸收唔到」。至於工作方面，樓主表示自己聽得明白指令，但有同事和自己聊天時，其時常無法回應，「你唔識回應，佢哋就會覺得好怪。連我自己都覺得怪」。有時即便回應了，對方也無法理解自己想表達什麼。
面對語言障礙，年過半百的樓主感到非常無奈與挫敗，坦言：「要點先可以學好英文？心都灰埋」。
帖文掀起網上熱烈討論，不少網民見狀紛紛留言安慰及鼓勵樓主，並提出多項實用建議：「同AI對話練習…市面上都有啲練習英語會話嘅app」、「YouTube、Instagram都有好多人教情境英文，可以跟d簡單嘅開始，唔使全部識晒記晒，要肯開口練，有機會就用返出嚟，唔好怕只係三兩句，所有都係累積，可以的，加油！」，亦有同路人自嘲：「我嘅問題同你一模一樣」。
不過，有網民直言，B1水平在日常生活中未必足夠，建議樓主繼續進修，「B1唔夠，GCSE攞4點都要B2水平。」
收藏
取消收藏
分享
