【點新聞報道】每日趕車、趕時間返工，係無數香港打工仔嘅真實寫照！有網民日前在社交平台，朝早搭巴士返工，屢遇長者乘客「長車短搭」，不斷上上落落，將50分鐘車程變65分鐘，不禁大呻「每日被偷15分鐘。」
該網民在社交平台threads發文，表示自己每朝搭過海巴士返工時，經常遇上一班使用2元優惠乘車的長者，崩潰地表示「朝日搭長途巴士，最絕望唔係塞車，係睇住班長者用$2搭兩個站落車。上上落落將50分鐘車程變65分鐘」。
樓主還自嘲，「都唔知自己係搭緊過海特快，定係搭緊『過海觀光慢車』。每日24小時，被偷15分鐘。」受盡困擾的樓主，不禁反問「朝早繁忙日時間，應唔應該限制$2優惠搭長途線？」
帖文一出，旋即引起網民共鳴，「更絕望係朝早長途車基本上打工仔們都共識安靜，爭取最後時間補眠 然後啲老人家繼續講電話睇廢片，雖然同平時比已經叫做細聲咗，但冇佢哋係直頭冇聲囉」、「放心，繼續埋怨，到自己成為長者」、「壽命延長，長者只會越來越多。」
（本文為作者觀點，不代表本媒體立場）
收藏
取消收藏
分享
