【點新聞報道】很多人無仔細計劃就移民！亦無仔細想清楚就回流！話說有移民英國的港人嫌生活太悶，舉家回流返港後，才發現人到中年，搵唔到工，全家陷入經濟困境，奉勸同路人「回流香港，真係要三思」。不過，不少網民唱反調，直指香港機會處處。
許多港人在英國生活不習慣，毅然選擇回流，又要重新面對競爭。有網民在社交台threads分享友人回流經歷，「有朋友移英三年，覺得英國生活太悶，半年前決定舉家回流香港。點知人到中年，返到香港先發現搵唔到工，全家經濟即刻陷入困境。」
不少人誤以為回流就能輕鬆重拾當年的薪酬與地位，事實上回流要面對極大的市場考驗與現實落差，「喺『日落國』，你有架車，就算衰極，至少仲可以做 Amazon Flex、Uber Eats，送下貨、送下餐，一日搵到 £70、£80，起碼可以頂住基本生活。但喺香港，人到中年，如果搵唔到工，又冇車、冇其他收入來源，失業之後，收入可以直接變成 0。」
樓主奉勸回流前要三思，「回流唔係一句『英國太悶，香港始終係屋企』咁簡單。人到中年，最怕唔係悶，而係冇退路。」樓主認為離開英國之前，最好先問清楚自己：「返到香港之後，份工喺邊？收入有幾多？如果半年搵唔到工，屋企頂唔頂得住？」。
不過，網民認為香港機會處處，「喺香港睇吓你放唔放下身段⋯⋯我有朋友回流重新開始搵保安做，因為識英文有d學歷，1-2年就升做主管級office工作，雖然人工唔高30K左右，但起碼保安行業可以做退休 」、「中年就搵唔到工？親戚今年5月回流，send兩份工，兩星期就搵到工，仲係本業會計師，今年都61，仲有人請，仲話返嚟拎樂悠咭好正，係咁join康文署活動，又做Gym又獨木舟，有兩蚊車，直接去埋蓮塘住」、「其實係香港揸的士一樣搵到食，分分鐘仲多過80磅」。
（本文為作者觀點，不代表本媒體立場）
收藏
取消收藏
分享
